Bátur og fólk

Jóan Pauli Joensen, professari í Miðstovuni á Norðoya Fornminnafelag í kvøld

Tað er ikki av ongum at vit hava orðtakið ”Bundin er bátleysur maður,” Greitt verður frá tí týdningi, sum báturin hevur havt  fyri føroyingar og frá  tí, sum er knýtt at hesum  serstaka mentanararvi okkara, ið er væl lýstur í siðsøguligum og føgrum bókmentum, men sum skjótt  kann fara í søguna, tí bátasmiðirnir verða alt færri.

Føroyski báturin varð í 2021 settur á UNESCO listanum yvir siðaarv hjá mannaættini.

Hetta er ein altjóða viðurkenning av føroyska bátinum, og samstundis verður staðfest, at føroyski báturin, og harvið bátasmíð, brúk, siðvenjur og vitan um føroyska bátin, skulu verjast og førast víðari til komandi ættarlið.

Føroyski báturin, sum vit kenna hann í dag, fekk helst sítt eyðkenda vakra og sjógóða skap miðskeiðis í 17. øld.

Miðstovan á Norðoya Fornminnasavn - Miðstovan fríggjakvøldið 21. februar kl. 19.00