Lýsing
Lýsing
Lýsing
Kelda: Gjalstovan. Viðm.: Henda myndin er ikki við í sjálvari várfrágreiðingini.

Eindarkostnaðirnir mugu lækkast fyri øll vælferðarøkini

SKRIVAÐ: Landsbanki Føroya  |  24.03.2025 - 11:34 Tíðindaskriv

Landsstýrið eigur at seta eina nevnd at koma við nágreiniligum rationaliseringsætlanum innan stóru vælferðarøkini; tað eru skúlaøkið, heilsuøkið og almannaøkið. Eindarkostnaðirnir mugu lækkast, annars fara samlaðu almennu útreiðslurnar at veksa uttan íhald næstu mongu árini.

 

Í Føroyum eru nógvar smáar stovnseindir. Kommunurnar eru 29 í talið. Fólkaskúlarnir eru 39 í tali, og 15 av teimum hava færri enn 40 næmingar. Bæði innan almannaverk og eldraøkið eru fleiri smáir bústovnar. Hjá almannaverkinum eru heili 11 stovnar við 1-2 búfólkum og 38 stovnar við færri enn 10 búfólkum. Tað er bara ein stovnur undir almannaverkinum, sum hevur fleiri enn 30 búfólk. Á eldraøkinum, eru tilsamans 30 stovnar. 18 av hesum stovnum hava færri enn 20 búfólk.

Smáir stovnar gera tað væl truplari at hava skynsaman rakstur á stovnunum og harafturat krevja smáir stovnar eitt hægri starvsfólkatal fyri hvønn brúkara samanborið við um stovnarnir vóru størri. Hetta er serliga galdandi, tá ið stovnarnir hava tørv á samdøgursmanning.

Myndin niðanfyri vísir ársverk hjá landinum innan størstu økini; tað eru skúlaøkið, heilsumál og almanna og mentamál. Tað sæst, at talið av ársverkum er vaksið mest innan hesi stóru málsøkini. Neyðug er við nýskipanum á øllum hesum økjum.

Ítøkiliga átti landsstýrið at sett eina nevnd at koma við nágreiniligum rationaliseringsætlanum innan øll stóru vælferðarøkini. Eindarkostnaðirnir mugu lækkast, annars fara samlaðu almennu útreiðslurnar at veksa uttan íhald næstu mongu árini.

Lýsing
Seinastu tíðindini
Fípan Fagra flotað
Føðingardagshald í Skálkur Klaksvík
Nýggjur stjóri settur fyri GroAqua sam…
Dávið Ryan dómari í EM kapping í flogból…
Ummæli: 'Bakka' ein heimildarfilmur um B…
Flaggdagshald í Vágstúni
Virkin saman og hugbundin
At vera skóti gevur lærdóm fyri alt lívi…
KRF: Opið neyst í dag kl. 17
Ribarhús í Fuglafirði
Havnin ímóti Klaksvík í Bónus steypaf­ina…
Møgulig Liverpool meistaraveitsla í Royk…
Lítla Luks er ein dreymur vorðin verulei…
Fjølmiðlar, fólkaræði og fávitska
Jógvan Andrias Eliasen verður 85 ár
Endur­nýtslan stongd flaggdagin
Atlantic Airways 27 mió. í avlopi í 2024
Lasse Klein heldur flaggrøðu í Klaksvík
Virkin spurnarkapping
 Takk til politisku skipanina