Brimheim kann vera trupul at seta í bás tónleikaliga, men púra vist er, at hon er ein óvanliga dugnalig songkvinna og sangskrivari. Hon hevur skrivað nýskapandi poppsangir og hevur vunnið hjørtuni á bæði fólki og ummælarum. 

Hon hevur ferð eftir ferð verið tilnevnd týðandi virðislønir og hevur vunnið fleiri teirra. Ummælini av útgávum hennara hava verið sum satt stjørnuregn, og á palli er hon framúrskarandi. 

Helena Heinesen Rebensdorff hevur føroyska mammu og hevur tætt samband við Føroyar og føroyska mentan, hóast hon í stóran mun hevur búð og virkað tónleikaliga í og úr Danmark.

– Føroyska mentanin hevur formað meg nógv sum listafólk og menniskjað, og eg eri altíð so inspirerað, tá ið eg eri í Føroyum. Mamma er her í Føroyum, og eg havi familju og nógv vinfólk, so eg royni at koma her so ofta, sum eg kann, sigur Brimheim.

Leygarkvøldið hevur Brimheim konsert saman við bólki sínum á stóra palli á Summar Festivalinum.

Her ber til at síggja video-samrøðu við Brimheim: