Tað er í skrivandi løtu statt beint norðan fyri Írland, men gongur ímóti leiðini beint norðan fyri Skotland. Tað er farið eysturum á midnátt í kvøld, og tá fer veðrið í Føroyum at vera keðiligt í næstan eitt samdøgur fram.  

Veðrið um vikuskiftið verður tí soleiðis:

Nú á middegi er eitt lot av útnyrðingi, minni enn 5 m/s, samdrigið og regn ella ælaveður. Eitt sindur út á seinnapartin slítur í, og eitt sindur seinni fer hann eysturum til landnyrðing. Tíðliga í kvøld veksur vindurin upp í 3 til 8 m/s av landnyrðingi, loftið samdrigið, men turt. Tá líður á kvøldið gongur hann upp í norðan, og vindurin fer at veksa, og sum frá líður fer eisini at regna. Á midnátt eru 13 til 18 m/s høgt, samdrigið og regn ella ælaveður.

Í nátt og stóran part av morgindegnum fer hann at liggja av útnyrðingi norði, 15 til 20 m/s, samdrigið og regn. Vindurin minkar um kvøldið. Á midnátt er vindferðin komin niður í 10 til 15 m/s, enn samdrigið og regn.

Í morgin er frískur vindur upp í strúk av landsynningi, 8 til 13 m/s, samdrigið og regn, fyrst vestanfyri. Seinnapartin støkkur hann vesturum og fer í útsynning, vindurin minkar niður um 5 m/s, loftið hálvskýggjað og sólglottar, men eisini regn í støðum. Um kvøldið slítur í. Um náttina lítið lot av útsynningi, minni enn 5 m/s, hálvskýggjað og yvirhøvur turt. Hitin 11 til 13 stig, men um náttina niður í 5 stig.

Sunnunáttina minkar vindurin meira, og samregnið verður til ælaveður. Fram ímóti morgni eru 8 til 13 m/s av útnyrðingi, samdrigið og okkurt ælið. Fyrrapartin sunnudagin gongur hann niður í vestan og vindurin minkar niður í 3 til 8 m/s, í erva klárnar heilt fitt og tað slítur í. Seinnapartin sunnudagin og um kvøldið gongur hann spakuliga úr vestri niður í sunnan, tað fer at draga á luftina, og sum frá líðir er okkurt ælið í støðum.

Gott vikuskifti.