Við sigrinum vann 1.deild hjá KÍ seg uppum niðurflytingarstrikuna.

Meðan teir bestu hjá KÍ vunnu FM í Sørvági, so spældu teir næstbestu ein týdningarmiklan dyst móti ÍF í Klaksvík. KÍ vann 3-1 við málum frá Páll Muller, Ahmed Latif og Andri Benjaminsen. Sigurin hjá KÍ merkir, at KÍ er komið uppum niðurflytingarstrikuna. Men komandi umfar verður helst avgerandi, tí KÍ skal tá møta EB/Streymi á útivølli. EB/Streymur liggur nú á 9. plássi við einum stigi færri enn KÍ, so taparin av hesum dystinum liggur undir niðurflytingarstrikuni undan síðsta umfarinum.