Hósdagin í vikuni sóu tey, ið vóru á Amarant mastrarhvalir á sjónum tættt inn ímóti Toftum og Váðkletti. Hannefía Joensen, ið arbeiðir á Amarant fekk nakrar myndir við telefonini. Sjálvur fór eg niðan at Víkini, so skjótt til bar, men har sá eg bert bangnar æður uppi á landi og ein stóran skarvaflokk, ið tóktist ikki at vera álvuligur við støðuna men skimaðist í allar ættir og fór á flog yvir ímóti Grøv, fyri síðani at koma aftur vestur ímóti bátahylinum og síðani út eftir Vágni.

Mastrahvalur hevur fleiri nøvn, á enskum Killer Whale, hjá okkum millum annað mastrahvalur, bóghvítur hvalur og æðuhvalur.