Tað eru tey ið meta, at bæði liðið hjá kvinnum og liðið hjá monnum í ár hevur møguleika fyri at vinna seg í finaluna í kappingini. Orsøkin er eitt samanfall av árgangum, har leikarar, sum nú hava verið við á U17 og U19 liðunum í nøkur ár nú eru komnir at síðsta árið í hesum aldursbólkum og tí verða mettir at vera rættuliga sterkir í mun til leikara úr hinum londunum. 

Leikt verður fríggja-, leygar- og sunnudagin í høllini á Hálsi.

Venjarin hjá ungu monnunum, Boban Ilic og hjálparvenjarin Oleksandr Dmytriiev hava úttikið endaligu 12 leikararnar, sum fara at mynda føroyska U19 liðið hjá monnum.

Somuleiðis hevur Ciro Zoratti, sum er høvuðsvenjari hjá U19 kvinnunum saman við hjálparvenjarunum Daria Burrows og Mileta Vesovic útikið sítt U19 kvinnulið.