Gates mælir til broyting í veðurlagsstríðnum: fokus skal flytast frá CO2-útláti til menniskjasligan trivnað
NEW YORK – Microsoft-stovnarin, Bill Gates mælir til eina strategiska broyting í veðurlagsstríðnum, har fokus skal flytast frá einum dómadags-sjónarmiði til at betra um liviumstøðurnar hjá teimum fátækastu. Gates heldur, at veðurlagsbroytingar eru ein álvarslig hóttan, men tær fara ikki at føra til heimsins undirgang
Bill Gates leggur dent á, at ov stórt fokus er á CO2 útlátið. Ístaðin skal høvuðsendamálið vera at forða fyri líðingum, serstakliga í teimum fátækastu londunum, har sjúkur og fátækradømi eru størstu trupulleikarnir.
Gates, sum eisini hevur stovnað Breakthrough Energy, heldur framvegis, at nýskapan er avgerandi. Hann vísir á framgongd innan sól-, vind-, og el-bilar, sum vísa, at tøkni kann minka um útlátið. Tó hevur hansara nýggja sjónarmið fingið atfinningar frá serfrøðingum, sum halda, at tað er skeivt at skilja veðurlagsbroytingar frá fátækradømi.