Eitt hátrýst við lítum vindi av ymsum ættnum hevur lagt seg yvir Føroyar í kvøld, og tað fer at liggja í nátt eisini. Í morgin fer tað vestureftir, og tá fara vit aftur at liggja í køldum luftráki norðaneftir.  

Veðrið um vikuskiftið:

Hann hevur ligið um 3 til 8 m/s av landnyrðingi, men í kvøld minkar hann niður í eitt lítið lot av ymsum ættum, minni enn 5 m/s. Hálv- ella smáskýggjað og einstøk vátakava- ella kavaæl. Hitin úr frostmarkinum upp í 5 stig, í nátt fer hann niður í 2 kuldastig.

Í morign er frískt lot til frískan vind vestan, 5 til 10 m/s. Um kvøldið gongur hann upp í norðan. Allan dagin skýggjað og ælaveður, men í støðum sólgottar. Hitin 3 til 8 stig.

Sunnudagin er frískur vindur upp í strúk norðan, 8 til 13 m/s, í støðum upp í hvassan vind, 15 m/s. Allan dagin smá- ella hálvskýggjað og yvirhøvur turt. Hitin millum 1 og 6 stig.

Gott vikuskifti.