Veðrið um vikuskiftið
Nú er liðugt við liggjandi høgætt og kulda, hitalagið er farið eitt fitt vet uppeftir. Meginparturin av kavanum fer vekk í dag ella í morgin, ið hvussu so er tann kavin, sum er lágt. Hann liggur av vestri í dag, og tað fer hann eisini í morgin, men sunnudagin og inn í næstu viku fer aftur at kølna.
Kuldin, vit hava havt, er komin av lágtrýstum, sum hava staðið onkunstaðni eystanfyri. Tey eru nú grynt ella farin í upploysn. Ístaðin fara tey at leggja seg í millum Føroyar og Ísland, men sunnudagin fer eitt nýtt at ganga eysturum og leggja seg harí 1-2 dagar. Tá ið fara vit aftur at fáa kalt luftrák ímóti okkum.
Veðrið um vikuskiftið:
Frískur vindur upp í strúk av vestan, 8 til 13 m/s, hálv- ella smáskýggjað og okkurt ælið. Hitin í dag millum 4 og 9 stig, í nátt niður í 2 stig í støðum.
Í nátt minkar vindurin vestaneftir niður í frískt lot til frískan vind, 5 til 10 m/s, men enn skýggjað og ælaveður. Út á morgindagin minkar hann vindin til lítið lot, undir 5 m/s, hálv- ella smáskýggjað og bert okkurt ælið. Sum frálíður kaldari millum 0 og 5 stig.
Sunnudagin lítið lot av landnyrðingi, minni enn 5 m/s. Fram ímóti kvøldið frískt lot til frískt lot av landnyrðingi, 3 til 8 m/s, skiftandi skýloft, í støðum sólglottar, men kanska eisini mjørki. Hitin 2 til 5 stig.
Gott vikuskifti.