Favorittarnir Helgi Dam Ziska, Høgni Egilstoft Nielsen og Luitjen Akselsson Apol endaðu javnir við tíggju stigum, tá liðugt var seinnapartin. 

Reglurnar áseta tá umdyst. Allir tríggir skuldu nú avgera kappingina við tveimum innanhýsis talvum sínamillum, og tá gjørdi stórmeistarin bart. 

Hørð kapping

Flest øll væntaðu, at kappingin fór at standa millum Helga og Høgna. Men tað vísti seg skjótt, at ein triði maður legði seg út í beinhørðu kappingina við hinar báðar um sigurin.

Teir tríggir koppaðu hvørjum øðrum eftir tørni, men vunnu allar hinar. Teir fylgdust við fullum stigatali fyrstu trý umførini. So kom fyrsti innanhýsis dysturin. Nú vann Høgni á Helga í fjórða umfari. 

Í fimta umfari var nýggj toppuppgerð millum Høgna og Luitjen, sum høvdu fult stigatal. Nú vann Luitjen. Hann var nú hin einasti við fullum stigatali. 

Í sætta umfari er so triðja oddabrakið. Men nú mátti Luitjen lúta fyri stórmeistaranum. Nú stendur aftur á jøvnum millum teir tríggjar. Og soleiðis fara teir rógvandi javnir inn á mál og enda allir við tíggju stigum, tá ellinta og síðsta umfar hevði verið. 

Endaliga støðan (FM-snar 2025)
1-3. Luitjen Akselsson Apol, HT 10 stig (74 mótstøðustig)
1-3. Helgi Dam Ziska, HT 10 stig (73½)
1-3. Høgni Egilstoft Nielsen, ST 10 stig (71½)
4. Silas Eyðsteinsson, ST 7 
5. Jón í Horni Nielsen, ST 7 
6. Elias Petersen, HT 6½
7. Flóvin M. Tummasarson, HT 6
8. Eyðun Lamhauge, Kongshavn 6
9. Djóni Jakobsen, HT 6
10. Herbert Holm Johannesen, HT 5½

28 telvarar í alt.

Helgi náðileysur í umdysti

Telvarar bíðaðu nú spentir eftir umdystinum. 

Men spenningurin fjaraði so líðandi av, tí nú gjørdi Helgi Dam Ziska av álvara bart og vann við fullum stigatali. 

Luitjen, sum hevði havt munin í fínteljing eftir høvuðskappingina, formáddi sær einki móti hinum báðum í umdystinum. 

Luitjen - Helgi 0 - 1
Helgi - Høgni 1 - 0
Høgni - Luitjen 1 - 0
Helgi - Luitjen 1 - 0
Høgni - Helgi 0 - 1
Luitjen - Høgni 0 - 1

Endaliga støðan eftir umdyst
1. Helgi Dam Ziska 4 stig
2. Høgni Egilstoft Nielsen 2
3. Luitjen Akselsson Apol 0

Kviktelving í morgin

Í morgin er so FM-kappingin í kviktalvi á skránni í Talvhúsinum á Toftum. Byrjað verður klokkan 13.30. Níggju umfør eru. Tretivu telvarar hava boðað frá luttøku.

FM í snartalvi (1980-2025)

1980 Bjarki Ziska, HT
1981 Súni Ziska, HT
1982 Bjarki Ziska, HT
1983 Andrias Ziska, HT
1984 Jens Chr. Hansen, TT
1985 Bogi Ziska, STF
1986 Torkil Nielsen, ST
1987 Leif Kristensen, GT
1988 Heini Olsen, KTF
1989 Heini Olsen, KTF
1990 Steintór Rasmussen, KTF
1991 Heini Olsen, KTF
1992 Heini Olsen, KTF
1993 Heini Danielsen, HT
1994 Ólavur Simonsen, KTF
1995 Martin Brekká, TFS
1996 Torbjørn Thomsen, KT
1997 Carl Eli N. Samuelsen, VT
1998 John Rødgaard, VT
1999 Eyðun Nolsøe, KTF
2000 Finnbjørn Vang, KTF
2001 John Rødgård, VT
2002 John Rødgård, VT
2003 John Rødgård, VT
2004 Helgi Dam Ziska, HT
2005 Helgi Dam Ziska, HT
2006 Helgi Dam Ziska, HT
2007 Helgi Dam Ziska, HT
2008 Helgi Dam Ziska, HT
2009 Helgi Dam Ziska, HT
2010 Helgi Dam Ziska, HT
2011 Helgi Dam Ziska, HT
2012 John Rødgaard, VT
2013 Helgi Dam Ziska, HT
2014 Helgi Dam Ziska, HT
2015 Helgi Dam Ziska, HT
2016 Helgi Dam Ziska, HT
2017 Helgi Dam Ziska, HT
2018 Rógvi Egilstoft Nielsen, ST
2019 Helgi Dam Ziska, HT
2020 Helgi Dam Ziska, HT
2021 Helgi Dam Ziska, HT
2022 Helgi Dam Ziska, HT
2023 Rógvi Egilstoft, ST
2024 Helgi Dam Ziska, HT
2025 Helgi Dam Ziska, HT