Oslo æt frá 1624 til 1925 Christiania, stavaður Kristiania frá 1877. Oslo er høvuðsstaður í Noregi og størsti býurin, umframt at vera egið fylki. Býurin varð grundlagdur í víkingatíðini; onkur kelda sigur í 1048, men gjørdist ikki høvuðsstaður fyrrenn í 1314. Stórur eldur herjaði í 1624, og tá varð býurin fluttur vestureftir og skifti navn til Christiania. Norðmenn brúktu tá navnið ”Oslo” um upprunaligu staðsetingina. Býurin vaks, og í 1859 var Christiania vaksin so nógv, at hann eisini fevndi um upprunaliga Oslo.

Gudanna fløta

Upprunin til býarnavnið hevur áður verið umstríddur. Semja er um, at seinni parturin -lo, upprunaliga -ló, merkir ein slætti (slættlendi) ella ein fløta. Fyrri parturin Os- er tann umstríddi. Í miðøldini varð býarnavnið skrivað bæði Ásló og Ósló, og mett verður, at Ásló er tann eldri formurin. Er hetta so, merkir býarnavnið antin ”fløtan undir ásanum” ella ”gudanna fløta”. Í norrønu gudalæruni itu gudarnir, ið búðu í Ásgarði, æsir, eintal ásur.

Skarpur verður hildarleikur, tá føroysku hondbóltsgarparnir í hesum døgum stríðast á gudanna fløtu í Noregi.