Lýsing
Lýsing

Karmarnir verða alsamt betraðir: Treysti í egnum hølum

SKRIVAÐ: (Hannefía Joensen)  |  23.11.2007 - 21:11 Eldri tíðindi

Nú badmintonhøllin er liðug, hevur Ítróttafelagið Treysti, sum eitt av 5 ítróttafeløgum, fingið sítt egna, sera snotuliga, felagshølið við atgongd frá sjálvari ítróttarhøllini.

Ein av fyrimununum við nýggju badmintonhøllini eru tey íalt 5 hølini, sum nú verða leigað út til ymisk lokal ítróttafeløg, herundir eisini til Norðoya Frítíðar- og Ítróttarráð (NFÍ).
Fyrsta felagið at innrætta sítt hølið var Ítróttafelagði Treysti, og tað var ein glaður Guttorm Sørensen, næstformaður, sum um síðsta vikuskiftið kundi vísa sínar nýggju og snotuligu umstøður fram.

Tað er EIK, sum hevur stuðlað Treysti við at útvega teimum innbúgvið til hølið, og sigast má, at at har er blivið sera hugnaligt og snøgt inni.

Treysti er eitt alsamt meira virki felag, bæði lokalt í tí dagliga og landsumfatandi til kappingar, har felagið fær sera góð úrslit.

-Hetta er eitt sera stórt framstig fyri okkum sum felag, og eg vænti eisini, at hetta umhvørvið við fleiri feløgum undir sama taki fer at skapa góðan trivnað og stuðla undir okkara virksemi, segði Guttorm m.a., tá vit stukku inn á gólvið.
Hendan dagin, tá badmintonhøllin lat upp, fegnaðist Guttorm saman við øðrum um, at ítróttarøkið í Klaksvík gerst alt betri og spennandi, men fremsti undangongumaðurin fyri frælsan ítrótt í Norðoyggjum duldi samstundis ikki fyri, at hann er spentur uppá tað víðari arbeiðið við ítróttarøkinum, har ein rennibreyt eystan fyri svimjihøllina er eitt av stóru málunum.

-Eg havi skilt, at býráðið nú hevur sett nakrar túsund krónur av til at gera eina endaliga ætlan og skipan av tí økinum, og vit gleða okkum ómetaliga nógv til at verða við til tað arbeiðið, segði Guttorm Sørensen, næstformaður í Treysti.

Lýsing
Seinastu tíðindini
Norðlýsið á gøtuni
Silvur­brúdleyp - Elisabeth og Sigmundur
Málmansvenja­rin er komin uppá pláss hjá…
Kom bara inn!
Myndir og video: Vóru eftir veðrum í Sey…
Fuglberg og Skoraberg landa á Kósini í d…
Stórt tunnilsblað næsta fríggjadag
Ársins Róland latin Anniku og Karin
Hin myrki 11. september - hjartanem­andi…
Avrikið hevur hægstu raðfesting
Tit eru við til at gera okkara bý fjølbr…
Móttøka í virknis­húsi­num í Mylnugøtu í K…
Arbeitt verður við bústaði til 44 arbeið…
Búnaðarstevnan verður tann 20. november
45 nýggjar leiguíbúðir í Tórshavn
Sjóhiti til Føroya Tele í Klaksvík
Staksdagu­rin verður í Tjørnuvík leygarda…
Sjáldsama fáir skaðar fyrra hálvár
Nú byrjar tilmeldingin til Kvøldskúlan
Skrellibilar standa fullir í skrelli