Lýsing

Dreymabyrjanin hjá KÍ helt fram

SKRIVAÐ: Jákup Ósá - Myndir: Oliver Joensen  |  03.04.2018 - 10:45 Ítrottur Myndarøð Tíðindi

(Dystarfrásøgn) Tað var ikki ein av best spældu dystunum, tá TB/FCS/Royn og KÍ spældu landskappingardyst í Trongisvági. KÍ vann og helt málið reint enn einaferð, og tað hevur KÍ í søgu felagsins ongantíð fyrr megnað allar tríggjar fyrstu landskappingardystirnar.

TB/FCS/Royn hevði broytt leikskipan til dystin og spældu við trimum í verjuni, meðan Búi Egilsson, Salmundur Bech og Stefan Radosavljevic skiftust um at spæla teir fremstu leiklutirnar. Hjá KÍ var Jákup B. Andreasen ikki við. Tað gjørdi, at Hørður H. Askham var fluttur fram á miðvøllinum, meðan Marko Dusak kom inn í miðverjuna. Hetta var hansara fyrsti dystur í fleiri vikur og tað sást fyrstu løtuna, tá hann var ótryggur við bóltinum. Hann spældi seg tó væl upp og var ofta tann, ið ruddaði bóltarnar burtur.

 

 

Deni Pavlovic er flúgvandi

Einasta málið kom um miðjan fyrra hálvleik. Jóannes Bjartalíð sendi fríspark í høvdið á Deni Pavlovic, sum sostatt skoraði í oynni, har hann sum smádrongur hevur búð í tvey ár. Júst Deni Pavlovic hevur fingið eina flúgvandi byrjan í KÍ og hevur allar tríggjar dystirnar verið millum teir mest eyðsýndu leikararnar á vøllinum í sínum leikluti sum miðverji. Hann var valdur til dagsins leikara av Bláu Bylgjuni eftir dystin í Trongisvági. KÍ kundi havt fingið fleiri mál í fyrra hálvleiki, har serliga Boris Dosljak var nær við.

 

 

Heimaliðið kundi javnað

Í seinna hálvleiki var KÍ tvær ferðir nær við at økja og avgera dystin, men stengurnar bjargaðu heimaliðnum, tá Óli Ey. Poulsen og Ronni Møller-Iversen royndu seg. Tá seinni hálvleikur var hálvrunnin, so var tað sum um heimaliðið legði meir fyri. TB/FCS/Royn hevði tríggjar góðar royndir, sum kundu givið mál. Men KÍ slapp við skrekkinum og mongu útiáskoðararnir kundu fegnast, tá Bjarki Danielsen floytaði av.

 

 

KÍ liðið er væl fyri

KÍ hevur fingið eina flúgvandi byrjan við trimum útisigrum, har einki mál er farið ígjøgnum. Leikliga var hesin dysturin kanska tann, har KÍ hevði størst trupulleikar við at spæla, men samanumtikið var tað kanska uppiborið, at KÍ vann, hóast TB/FCS/Royn var nær við at javna í síðsta partinum av dystinum.

Lýsing
Seinastu tíðindini
Ársaðalfundur hjá Klaksvíkar Róðrar­felag
Samljóð millum vinnu og frið
74 føroyingar frískir – trý innløgd
169 føroyingar fingið staðfest smittuna
Fyrispurn­ingur eftir Tingskipan­ini § 52a
Hjálparpakki til vinnuna bráðneyðugur
Hvat ger undantaksstøðan við okkum?
Lær Teams til fundir
Dýr er barnaverð á youtube
Methøgt lufttrýst seinasta leygardag
Nærvera í fjarstøðu
Vesturætt í dag
Skoraberg og Fuglberg landa á Kósini í m…
168 føroyingar fingið staðfest smittuna
Ongin flúgving til Svínoyar og Fugloyar
Tyrlan hjá donsku sjóverjuni
3. andakt - Marjun Lómaklett
Tilmæli um ferðing á páskum
159 føroyingar fingið staðfest smittuna
FILMUR: Til Kjøpinhavn við Viðoy í 1945