Tvær ungar dámur í starvsvenjing á Norðlýsinum
Í dag mánadagin 2. juli byrja tær fyrstu vikurnar í starvsvenjingini. Sára Bertholdsen og Minna W. Sjóstein eru báðar settar á Norðlýsið at arbeiða í tvær vikur, viku 27 og 28.
Báðar tvær búgva í Klaksvík og eru 15-16 ára gamlar.
Vit eru sera áhugaðar og spentar uppá hvat hesar báðar vikurnar fara at bjóða. At arbeiða á slíkan hátt hava vit hvørki prøva ella hugsa, at vit fóru at prøva. Í samband við eina samrøðu vit høvdu við Duritu Samuelsen, sum stendur fyri starvsvenjingini 2018, førdi tað til, at báðar vóru settar at arbeiða her á Norðlýsinum.
At arbeiða á hesum virki, sleppa vit at prøva alt! Alt tað, sum miðlavirkið hevur at bjóða okkum. Skriva greinar, hava samrøður, taka myndir og vitja støð.
Vit báðar eru sera virkar innan sosialum miðlum, og vórðu tí settar í hetta starv. :)