KÍ boðar í kvøld frá, at felagið hevur fingið tilgongd.

Tað er ikki vanligt, at leikari frá Japan spælir í føroyskum fótbólti, men tað hendur í 2019. KÍ hevur gjørt sáttmála við 28 ára gamla Takuya Matsunaga. Talan er um miðvallarleikara, sum er 1,74 metur høgur.

Síðstu árini hevur hann spælt í Europa. Hann kemur frá felagnum Kalev Tallinn, sum spælir í bestu deildini í Estlandi. Har hevur hann í 2018 skorað fimm mál og lagt upp til fýra mál í 35 dystum sambært Transfermarkt. Fyri tað mesta hevur hann spælt antin sum verjukendur miðvallaleikari ella sentralur miðvallarleikari. Einstakar dystir hevur hann spælt sum kantur. Í 2016 og 2017 spældi hann við FK Utenis Utena í bestu deildini í Litava.

Sáttmálin við Takuya Matsunaga er galdandi fyri kappingarárið 2019.