Eyðgunn: - Tølini eru røtt
Landsstýriskvinnan upplýsir fyri Norðlýsinum at pensionisturin hevur nýtt røtt tøl, men manglar at seta tølini í mun til øktu útgjøldini í 2017, 2018 og 2019
Fyrr í dag vístu vit á eina útrokning hjá einum pensionisti í Klaksvík, sum ivaðist í lyftinum hjá samgonguni, at pensionistar skulu hava 1000 krónur fleiri eftir í skatti orsakað av pensiónsnýskipanini.
Eyðgunn Samuelsen er landsstýriskvinna í almannamálum og hevur fingið pensiónsnýskipanina ígjøgnum hetta valskeiðið. Hon hevur verið í Klaksvík allan dag saman við Thyru Frank, ráðkvinnu í eldramálum í Danmark. Eyðgunn hevur hugt uppá tølini, saman við síni umsiting.
- Um tú setir tølini (hækking frá 2017 til 2018 og hækkingina frá 2018 til 2019) saman so gevur tad umleid 1.100 krónur eftir skatt, sigur Eyðgunn Samuelsen, landsstýriskvinna í Almannamálum í stuttari viðmerking við Norðlýsið.