Lýsing
Lýsing

Fýra føroysk á Summar Festival

SKRIVAÐ: Tíðindaskriv  |  06.03.2019 - 15:10 Mentan Tíðindaskriv

Summar Festivalurin kunnger fyrstu fýra føroysku bólkarnar til ársins festival. Summar Festivalurin 2019 fer at bjóða Marius Ziska, Blátt Gras, Grandma’s Basement og Magna Christiansen.

Marius Ziska telist millum teir dugnaligastu sangskrivararnar í landinum, og hann hevur skrivað framúr góðar sangir – bæði á føroysku máli og enskum máli. Við einum sterkum bólki afturat sær hevur Marius Ziska veruligt flog og innihald í sínum framførslum, og hann kann rúnarbinda áhoyrararnar.

Blátt Gras er framúr countrybólkur, sum bæði spælir blue grass, americana og meira traditionellan countrytónleik. Teir spæla sum ein væl smurd maskina og syngja sera sannførandi fleirraddað. Blátt Gras hevur givið tvær útgávur út – tann seinna, »Framvegis«, kom í fjørheyst. Blátt Gras hevur áður vunnið FMA heiðursløn fyri sangin »There is Room at the Table«.

Magni Christiansen er virkin og fjølbroyttur sangari. Hann kann syngja country og gospel sum fáur, hann hevur góða rødd til lættan popp og rock, og so dugir hann sera væl at framføra á palli. Nú kemur Magni til Klaksvíkar at framføra á landsins størsta tónleikatiltaki.

Kúllarnir í Grandma’s Basement eru til reiðar til enn eina framførslu á Summar Festivalinum. Teir hava verið fastir fúsir á skránni, men í fjør hildu teir frí. Í ár koma teir sterkt aftur og vera fyri fyrstu ferð at uppliva at stóra palli á Vágsbøi. Tað verður ein heilt serlig og serliga festlig løta.

Summar Festivalurin verður hildin dagarnar 8. til 10. august.

Lýsing
Seinastu tíðindini
Rebekka og Einar vunnu bæði FM 10 km og…
Aftursvar til Jákup Mikkelsen, Løgtingsl…
Einsamallur millum toppentur og æður
Jóhan: - Eg havi ikki vent, og fari ikki…
Rundvísing á Biskupstorgi
Móttøka fyri Special Olympics-liðnum
Heini, Kaj Leo og Klæmint frá byrjan
Kom og ver við at fjeppast um KÍ
Miseydnað kvettroynd í Sjálvstýri
Pól Huus stillar upp fyri Fólka­flokkin
Bíligari streymur til elbil og hitapumpu
Fiski­frøð­ingur fer lætt um sannleikan í…
Jórunn er tvífaldur FM vinnari
Aðalfundur hjá Klaksvíkar sjónleikarafel…
Løgtingið má krevja av Bústøðum at byggj…
Kvinnur og klæðir
Kristin Michelsen møguliga sambands­maður
Betri samtakið væl fyri
Tv-2 á Mentan­arviku í Runavíkar kommunu
Per Klarup tekur eitt ár afturat
Lýsing