Ársaðalfundurin verður í Nólsoyar Páls húsi 16. apríl klokkan 19.30.

Aðalfundarskrá smb. viðtøkur felagsins

1.        Val av fundarstjóra og fundarskrivara

2.        Formansfrágreiðing

3.        Framløga og góðkenning av grannskoðaðum  roknskapi fyri 2018

4.      Val av nevndarlimum

5.      Val av grannskoðara

6.      Ymiskt m.a. húsakeyp

Arbeiðið: 

arbeiðinum innan í húsunum líður nú rættiliga væl, og tað fáa tit sjálvandi høvi at síggja á fundinum.

Tá ið nú árstíðin batnar, verður arbeiðið uttandura: klædningur og teking tikið upp aftur.

Limagjald: 

smb. viðtøkurnar gera limirnir sjálvir av, um teir gjalda limagjald ella ikki. Alt sum kemur inn, kemur væl við. Til ber at flyta pening inn á hesar kontoir:

Norðoya Sparikassi                                9865            3009410

Betri Banki                                              9181            4293519

BankNordik.                                            6440            5307223

Viðv. húsakeypi: 

nevndin hevur gjørt av at keypa grannaognina, matr. 1372 við ábygdum húsum, við tí fyri eyga, at taka húsini niður. Málið verður lagt fyri aðalfundin til endaliga støðutakan.

Nevndin er samd um, at tað er umráðandi at fáa hendur á nevndu ogn, at leggja afturat verandi ogn. Tá ið so høvið beyðst, tóku vit av.  Við verandi fígging maktar felagið ikki sjálvt at fíggja keypið.  Men tað hevur eydnast at fáa eina fyrilbilsfígging, soleiðis at vit fáa umrátt okkum og royna at savna meira pening til felagið.

Eydnast tað ikki, verða vit noyddir at selja matrikul 1372 aftur. Vit vóna, at limirnir eisini taka væl undir við hesum tiltaki og stuðla felagnum soleiðis, at vit verða førir fyri at gjalda fyri keypið.

Vit vóna at síggja  nógvar limir á fundinum.