Lýsing
Lýsing
Lýsing

Hittbólkar á Summar Festivalin

SKRIVAÐ: Tíðindaskriv  |  13.06.2019 - 13:21 Mentan Tíðindaskriv

Páll Finnur Páll og Danny & The Veetos spæla á ársins Summar Festivali

Summar Festivalurin kunnger í dag, at Páll Finnur Páll og Danny & The Veetos verða við á ársins festivali.

Páll Finnur Páll hevur síðani aldarsskiftið verið millum mest markantu bólkarnar í føroyskum tónleiki. Teir eru bæði argandi og fevnandi. Prikandi og skemtandi. Og fram um alt teljast teir millum veruligu hittbólkarnar í nýggjari tíð. Páll Finnur Páll tók síni fyrstu fet um aldarsskiftið, og síðani 2003 hava teir givið tónleik út. Ikki minst tríboksin frá 2009 gav bólkinum veruliga hetjustøðu á føroyska tónleikapallinum. Sangirnar hjá bólkinum munnu mong kenna rættiliga væl. Sangir sum »Forelskaður sjónleikari«, »Herbergið«, »Eg fari mín egna veg«, »Grannin«,  »Mín russiski vinur« og fleiri. Og eingin er sum Páll Finnur Páll, tá ið teir spæla hesar sangir live.

Danny & The Veetos spæla fólksligan popptónleik, sum hevur slóðir bæði til fólkatónleik og framrættaðan popp. Danny & The Veetos komu sum eitt frískligt lot yvir føroyska tónleikapallin í 2013, og síðani hava teir innspælt, útgivið og framført við nógvari orku. Danny & The Veetos hava vunnið hjørtu við sangum sum »Sunnukvøld í mai«, »Alright«, »Farvæl« og »Stúr ei meir«. Bólkurin hevur eisini nýggjari sangir í viðførinum, og nú eru teir aftur til reiðar at spæla á landsins størsta tónleikatiltaki.

Summar Festivalurin verður hildin dagarnar 7. til 9. august.

 

Lýsing
Seinastu tíðindini
Ein miðbýur í rúkandi menning
Fleiri íbúðir ávegis í Klaksvík
Søgan um Merle Haggard (7:9)
Søkt verður eftir tveimum starvs­fólkum t…
Gøtan út á Nes liðug
Annika Lindenskov vald í altjóða oyggjal…
Brot frá 2-1 sigrinum í Finlandi
Mjølnir aftur til Hollands
Badminton vann silvur í liðkapping­ini
Runnu seg til fleiri heiðursmekir
Thorvald: Hesum vilja vit helst møta
Borgar­stjóraheilsan: Her er gott at vera
Fuglalív í Haraldssundi
Stevna hjá Jehova vitnum
Stenberg hitt Zelenskyy í Kyiv
KÍ v SJK: Ung og eldri farin í sving
Azamara Quest á Norð­havn­ina
Lutakastið til Challenge Cup í morgin
RSP á Norð Festivali­num 30. aug!
Bjóða nú campingvog­num á Summar Festival