Barometrið er uppgangandi, og okkurt ælið hevur verið klokkan 6 í morgun og ímillum klokkan 11 og 12.

Klokkan 18 í kvøld er eitt tiltak úti í Grøv, og so er tað tað, hvussu veðrið fer at vera ta løtuna.

Hyggjandi í veðurkort sæst, at vindferðin væntandi er um 5 m/s, og at ættin farin eitt vet niður um vestan – t.e., at lotið kemur frá rundkoyringini við húkinum og út í Grøv.

So er tað loftið, hvussu tað fer at síggja út. Í skrivandi løtu eru lág skýggj hangandi yvir fjøllini. Í støðum sæst upp ímillum, upp í bláan himmal. Í kvøld verður fyri tað mesta skýggjað og turt. Okkurt smávegis ælið kann ikki við vissu útilokast.