Lýsing

Atli Gregersen: Ein tann størsti dysturin í árinum móti Føroya besta liðið

SKRIVAÐ: Jákup Ósá  |  07.08.2019 - 14:01 Ítrottur Tíðindi

Atli Gregersen heldur, at trýstið er nógv størri á KÍ enn á Víkingi undan dystinum fríggjakvøldið

37 ára gamli Atli Gregersen er millum royndastu leikararnar í føroyskum fótbólti. Fríggjakvøldið skal hann spæla ein av dystunum, sum væntast at hava størstu áskoðarafjøldina.

- Tað eru slíkir dystir, sum man sum leikari sær fram til. Hetta er saman við ólavsøku-dystinum størsti landskappingardysturin í árinum. Í Klaksvík ganga fólk høgt uppí fótbólt, og man fær viðhvørt onkra heilsu við á vegnum undir dystinum, og tað er stuttligt, sigur Atli Gregersen við Norðlýsið.

 

Leggur trýstið á KÍ

Eftir tvey tap á rað hjá Víkingi, so spyrja vit, um tað ikki er stórt trýst á serliga Víkingi undan hesum dystinum.

- Okkara málsetningur er at koma í Europa, meðan KÍ skal vinna FM, sum teir hava bygt upp til í 4-5 ár. So eg haldi, at trýstið liggur á KÍ. Teir eru Føroya besta lið við klassaleikarum á øllum plássunum og á bonkinum, sigur Atli Gregersen.

 


Ein mannfólkadystur

Atli dugir væl at ímynda sær, hvat fyri dystargongd vit fáa.

- KÍ hevur broytt spælistíl og ynskja at hava bóltin, meðan vit spæla uppá ‘’umstillingar’’. So eg vænti mær ein dyst, har KÍ kemur at hava bóltin meir, men eg vænti eisini ein ordiligan mannfólkadyst, sigur Atli Gregersen at enda við Norðlýsið.

 


Dysturin við Djúpumýrar byrjar fríggjakvøldið kl. 18.15.

Lýsing
Seinastu tíðindini
Hví reingir hann sannleikan?
Áheitan frá Fugloyar kommunu
Korona: Tímalønt mugu tryggjast
Zarepta heystið 2020
Hjálparpakki leggjast fyri Løgtingið
Metnógvar kanningar og metnógvir tilburð…
Øll ítrótta­fólk eiga at fylgja almennu k…
Sirið: Løgtingið eigur at verða kallað s…
Mentan­ardagar 2020 avlýstir
Sjúrður Skaale spyr um antennan hjá dons…
Vøllurin við Djúpumýrar er góðkendur til…
Mikkjal K. Thomassen heldur lítið um mið…
Ongin smitta staðfest í svimji­høllini
Vinnuligar fiski­veiðiroyndir eftir makre…
#FVHM2020 verður nú ein tykisrenning - #…
Bara vit, fólkið í Føroyum, skulu taka a…
KÍ vann ársins størsta sigur
Avmarkað ansingartilboðum á dagstovnaøki…
Støðan er sera álvarsom: Metnógvir tilbu…
Ráðhúsið, dagstovnaøkið og COVID-19