Nýtt: Grinda-burgari á Føroya Sjómannadegi
KJ á Kambsdali, sum hevur verið við á Føroya Sjómannadegi øll árini, hevur til sjómannadagin leygardagin okkurt heilt nýtt og serstakt at bjóða fram. Ein Grinda-burgari við nýbakaðum burgarabreyði frá Amarant við grindastykkjum og øðrum góðum sum avdúka verður á Sjómannadegnum.
Tummas Lervig frá KJ á Kambsdali, sigur at góðu royndirnar og serliga tær jaligu afturmeldingarnar tey fingu frá fólki í fjør, tá tey hjá KJ á Kambsdali grillaðu grindatvøst, gav teimum áræði at royna okkurt heilt nýtt.
- Sjálvandi fara vit at endurtaka vælumtókta tiltaki frá í fjør har vit aftur í ár fara at kóka grind, spik og eplir og borðreiða saman við serliga heimagjørda sinnopinum hjá Ásu hjá Poll, sum klaksvíkingar kenna so væl og sum var eitt av mest vældámdu íkastunum á á Sjómannadøgunum 2018.
- Eisini fara vit at grilla grinda búffar sum vit borðreiða saman við fløtaeplum.
- Sum nakað heilt nýtt fara vit í ár eisini at bjóða øllum, sum vitja Føroya Sjómannadag ein serliga vælsmakkandi Grinda-burgara.
- Tvøsti kemur frá grind sum doyði í Bø í summar. Burgara bollin er nýbakaður frá Amerant og umframt grindastykkir er nógv annað forkunnugt í vælsmakkandi Grinda-Burgaranum, sum verður avdúkaður á Sjómannadegnum.