Klakksvíkar Hermetikk, var eitt frambrot í føroysku vinnusøguni, har menning, gransking og nýhugsan lá internationalt.

Her var arbeiði til okkara ungdóm bæði kvinnur og menn, gott stabilt arbeiði, har fólkið treivst sera væl.

Konserves av okkara hóast alt víðvenda tilfeingi, var bæði selt her heima og í útlondum, her var talan um botnfisk, sild, makrel, hummara, stórhvalakjøt og fleiri fuglasløg.

M.a. vóru reseptir gjørdar til ymiksk ingrediensir. Nógvir av innpakningunum síggjast hava ídag sama snið, sum tá vóru gjørdar.

Bakkafrost føroysk – men  international

Bakkafrost hevur víst sín dugnaskap og sínar spennandi menningar og útbyggingar og er vorðin helst størsta føroyska fyritøka í útflutningi.

Teir hava víst dugnaskap og hava óræddir við góðum  grundarlagi tora at bygd út, ikki bara á Glyvrum, men hava spent seg og bygt út kring um í Føroyum.  – Framtíðin sær spennandi út.

Leggjast kann afturat, at táið Klakksvíkar Hermetikk gavst og stóra nýmótans Flakavirkið á Kósini var komið, vóru sildamaskinurnar við reseptum og vitan seldar Bakkafrost.

Gott stev fanst í samráðingunum millum Kjølbro og teir á Bakka.

Aftur-  og framatlítandi fyrilestrarnir verða kl. 19.30. í Miðhøllini (Ósaskúlanum). Teir eru ókeypis og øll er vælkomin.