Lýsing
Lýsing

Glottar at hóma viðvíkjandi atkomu fyri fólk, ið hava niðursetta hoyrn

SKRIVAÐ: Nevndin í Hoyr  |  16.09.2019 - 23:45 Politikkur Tíðindaskriv

Nú samgonguskjalið er almannakunngjørt, síggja vit, at ætlanin er at teknmálstulking og føroyskur tekstur í sjónvarpinum skal styrkjast.

Hetta er sjálvandi gleðiligt, og eru vit nógv, ið hava bíða við spenningi eftir at síggja, hvat kom at standa í samgonguskjalinum, viðvíkjandi støðuni hjá fólki, ið hava niðursetta hoyrn.

Sum vit áður hava víst á, eru tað rættiliga nógv fólk í Føroyum, ið hava trupulleikar við hoyrnini. Sambært hoerelsen.dk, hevur 6 hvør íbúgvi truppulleikar, og svarar hetta til umleið 8.000 føroyingar.

Ikki kann sigast annað enn, at hesin stóri bólkur hevur verið sera tolin. Vit í Hoyr harmast tó almikið um , at øll hesi fólk eru útihýst frá vanliga tíðindaflutninginum í sjónvarpinum.

Hoyr hevur aftur og aftur víst á støðuna, og tá ST nevndin í 2014 setti krav um, at Føroya Landsstýrið skuldi tryggja teimum, ið hava ringa hoyrn, atgongd til allar sendingar í Kringvarpi Føroya, fingu vit vón um, at nakað fór at henda.

Nú 5 ár seinni, kunnu tey, ið hava niðursetta hoyrn framvegis ikki fylgja við tí, ið hendur í samfelagnum. Nakrir glottar eru tó við at nakrar dokumentarsendingar eru tekstaðar, og valsendingarnar vóru sendar við teksti dagin eftir tær høvdu verið í sjónvarpinum.Tað sum vit vóna nú er, at vit sleppa at síggja tíðindasendingar og allar sendingar, ið verða sendar í sjónvarpinum við teksti beinanvegin.

Nýggjar tíðir:  Nú komandi samgonga boðar frá, at man ynskir eitt samfelag í serflokki, eru hetta nýggir tankar, og síggja vit fram ímóti eini tíð, har arbeitt verður miðvíst fram ímóti, at øll, eisini vit 8.000 føroyingar, ið hava niðursetta hoyrn, fáa atgongd til allar sendingar í sjónvarpinum.

Vit vóna, og gleða okkum til nýggja samgongan byrjar uppá at styrkja føroyskan tekst í sjónvarpinum, og ynskja vit at bjóða okkum fram, sum samstarvsfelagar, í hesum týdningarmikla arbeiði.

 

 

Nevndin í Hoyr

Lýsing
Seinastu tíðindini
Áhugaverd framløga um trivnað hjá okkara…
Glíðibreytin
Størru útróðrarbátar­nar vestanfyri í nát…
Safir og Grønanes landa á Kósini í morgu…
Don Quixote aftur á hestbak
KÍ vann stórsigur
Gunvá: Vit fáa onki at vita
Klaksvíkar kommuna respektleys
Gadus siglir heim
U19-lands­liðsleikari gjørt langan sáttmá…
Karl Birgir gav Pochettino føroyska troy…
Morgunsangur í Fuglafjarðar kirkju
Gott fiskarí í Fuglafirði
Gott fiskarí í Fuglafirði
Føroyska makrelkvotan í 2020 verður 116.…
Nakrir útróðrarbátar í dag
Grøna leiðin nýtist ikki at kostað kassa…
Fer grøna orkuskiftið at kosta okkum kas…
1.deild hjá KÍ spælir sín síðsta heimady…
Bretland og ES hava gjørt avtalu um Brex…