Lýsing
Lýsing

Jeppe Kofod: Ein føroysk sendistova í Jerusalem reisur týðandi politisk ivamál

SKRIVAÐ: John William Joensen  |  18.09.2019 - 15:53 Politikkur Tíðindi

Danski uttanríkisráðharrin, Jeppe Kofod, sigur í viðmerking, at um nýggja føroyska landstýrið ynskir at fáa ein sendimann til Ísrael, so er hann opin fyri hesum. Men um ætlanin er at sendimaðurin skal hava umboðsstovu í Jerusalem verður hann noyddur at tosa nærri við sín nýggja føroyska starvsfelaga, tí tað reisur aðrar viðkomandi uttanríkispolitiskar spurningar.

Í samgonguskjalinum stendur skrivað at Føroyar skulu lata upp sendistovu í Ísrael.

Tá samgonguskjalið varð undirskrivað á tíðindafundi í Løgtinginum, segði Jenis av Rana at føroysk sendistova skal latast upp í Ísrael og formaðurin í Miðflokkinum, sum nú er landsstýrismaður í uttanríkismálum, legði dent á at sendistovan skuldi sjálvandi verða í Jerusalem.

Tá hann varð spurdur um danska stjórnin, sum sambært heimastýrislógini umsitur uttanríkismál, fór at góðtaka hetta, var Jenis ivaleysur um at danir fóru ikki at hava nakað ímóti hesum.

Fyri løtu síðan fekk Norðlýsið fatur á danska uttanríkisráðharranum, Jeppe Kofod, og hann tyktis ikki at verða heilt álviligur við tosið um eina føroyska sendistovu í Jerusalem:

“Hvis de færøske myndigheder henvender sig til os med et ønske om at udsende en repræsentant til Israel, så taler vi selvfølgelig om det. Men jeg bliver også nødt til at sige, at med hensyn til placering i Jerusalem, vil det naturligvis være mere end blot et spørgsmål om geografisk placering. En placering i Jerusalem rejser bl.a. væsentlige udenrigspolitiske spørgsmål, som jeg i givet fald vil drøfte med min nye færøske kollega.”

 

Lýsing
Seinastu tíðindini
Fantastiskt Requiem í Varpinum skírisdag
Jákup B. Andreasen kann skjótt blíva klá…
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…