Lýsing
Lýsing
Lýsing

Bjørn Kunoy adjungeraður professari á Fróðskaparsetrinum

SKRIVAÐ: Tíðindaskriv  |  27.09.2019 - 13:08 Tíðindaskriv

Bjørn Kunoy tilnevndur adjungeraður professari í altjóða lóg frá 1. oktober 2019

Grundað á tilmæli frá akademiskari metingarnevnd, sum læt frágreiðing í august 2019, hevur leiðslan á Fróðskaparsetri Føroya tilnevnt Bjørn Kunoy adjungeraðan professara í altjóða lóg við Fróðskaparsetrið. Í metingarnevndini sótu James Crawford, dómari við altjóða dómstólin í Haag, Mathias Forteau, professari við Université Paris-Nanterre, og Alain Pellet, professari emeritus, Université Paris-Nanterre.

Bjørn Kunoy er 44 ára gamal, føddur og uppvaksin í Havn, og hevur doktaraprógv í almennari lóg (public law) frá Université Paris-Nanterre í París frá 2013.

Bjørn Kunoy er ein altjóða viðurkendur granskari í altjóða lóg við serligum atliti til landgruns- og marknaspurningar, og hevur hann skrivað fleiri enn 30 greinar í leiðandi altjóðarættarligum og ES-rættarligum tíðarritum, fleiri teirra útgivin av Oxford University Press og Cambridge University Press.

Umframt at hava verið ráðgevi í altjóðarættarligum spurningum fyri Føroya Landsstýri í meira enn 10 ár, hevur Bjørn eisini verið samráðingarleiðari fyri danska kongaríkið í marknamálum um landgrunn Føroya, havt prosessleiðsluna í altjóðarættarmálum millum Føroyar og ES, og í fleiri førum hevur Bjørn ráðgivið fremmandum stjórnum í altjóðarættarligum marknaspurningum, seinast ráðgevi fyri uttanríkisráðið í Kili.

Bjørn Kunoy tekur við starvinum sum adjungeraður professari frá 1. oktober 2019.

Lýsing
Seinastu tíðindini
Nýggjur kommunu­stjóri í Fuglafjarðar kom…
Tunlarnir norður um fjall eiga tørn
Javnseting av kynunum
Royndu nýggja leikskipan
Tunlarnir norður um Fjall standa fremst!
Kappróður á Norð­oyastevnu
Sniðálop á festarar og festis­skipanina
J. &. K. Petersen: 1. byggistig avhendað…
Arbeiðsvanlukka kravt eitt mannalív
Starvs­fólk á eldraøki­num kannað fyri COV…
Føroya Bjór Renningin verður á Norðoyast…
Voxbotn flutt til 5. september 2020
Summar­festivalu­rin: Útmelding ávegis
Ljós yvir Hjálparpakka 3
Norðlýsið á gøtuni
Føroyar til sølu!
Hvagar eru vit á veg?
Feskur fiskur við bátabrúgvarnar
KÍ vann 3-0 á EB/­Streym
Vága Floghavn: 20 fólk uppsøgd