Lýsing
Lýsing
Lýsing

Róku úr Skorini í rættina á Norðoyri

SKRIVAÐ: Tekst og myndir: Oliver  |  01.10.2019 - 22:35 Ítrottur Mentan Myndarøð Tíðindi Vinna

Hetta er tíðin tá menn ganga fjøllini. Í dag vóru menn eitt nú í Skorini og í Bjargamansdali á fjalli og væl gekst teimum.

Karl Johansen, ið var ein av fjallmonnunum sigur, at teir fóru til gongu av Oyravegnum í morgun klokkan sjey. Teir róku seyðin í Skorini og í Bjargamansdali saman og eftir stuttan steðg í Bjargamansdali, var farið at reka heim.

Hetta gekk ótrúliga væl, sigur Karl Johansen víðari. Frá tí vit byrjaðu í Bjargamansdali og til portrið við rættina á Oyri fór aftur, gingu neyvt tveir tímar.

75 áseyðir eru á hesum báðum hagapørtum. Eg spurdi eisini Karl Johansen, hvussu var við Herjaskor. Nei, har hevur onki verið í Herjaskor í ár. Hetta økið hevur vanliga verið brúkt sum fitilendi, orsakað av at tað er ilt at ganga ímillum Skorina og Herjaskor. Men Vit hava ætlanir um at binda hesar hagapartarnar neyvari saman, soleiðis at hesir hagapartarnir kunnu rekast saman.

Barmur, Herjaskor og Skorin hava áður  við hvørt verið røktar við báti, tá ið um skurðfjøllini hevur rátt, men seinnu árini hava menn valt at reka alt heim á rættina á Oyri.

Kristmar Andreasen var á støð tá gongan úr Bjargamansdali kom í rættina á Oyri, hann visti at siga, at Karl Heri Joensen, sum er bóndi í Hellisdali, nú eisini ætlar at reka sín seyð í rættina á Oyri.   Hann visti at siga, at Karl Heri hevði biðið um rættina á Oyri í morgin. Til skurðfjøllini á Hellisdali hevur bátur úr Árnafirði mangan verið nýttur.

Lýsing
Seinastu tíðindini
Kaj Leo skal standa skúlarætt um navnabr…
Stuðla Klaksvíkar Róðrar­felag
Bankarnir gerast alsamt frekari
Símun Absalonsen heldur midnáttarrøðuna
Ein sílatúrur í Vatnsdali við Oyndarfjør…
Solby heldur røðu á norð­oyastevnu
Hotel Brandan letur upp 1. juli
Benkur uppi á Brekkum
SprittFisk - Filmskapping
Núpur landar í dag
Lions 50.000 til talukennara
Nýggj nevnd í Heilafelagnum
Startrøðin á norð­oyastevnu
10.000 kr fyri roðslu
Gunnvá nýggj forkvinna í Norðoya Javnaða…
Vit rudda áðrenn Norð­oyastevnu
Jóannes Bjartalíð hevur longt sáttmálan…
Gadus siglir heim
Endur­nýtslan stongd 5. og 6. juni
Semja millum Kommunala Arbeiðsgevarafela…