Lýsing
Lýsing
Lýsing
Lýsing

Miðstaðurin køvist í almennum íløgum

SKRIVAÐ: John William Joensen  |  21.10.2019 - 05:30 Lesarabrøv Politikkur

Hóast almennu inntøkurnar hjá landskassanum og størstu føroysku kommununun eru øktar so er Tórshavnar Kommuna í einum klassa fyri seg. Skiftandi samgongur hava síðan 2011 økt munandi um tilfeingisinntøkurnar hjá landskassanum og fara tær at toppa í ár viðnæstan hálvt fjórðahundrað milliónum.

Men sum talvurnar frá Hagstovuni og Gjaldstovuni greitt siga, so endar vøksturin í almennu inntøkunum hjá mittastu kommununi.

Tað er her størstu almennu íløgurnar í arbeiðspláss, skúla- og Heilsuverk verða gjørdar og ótálmaða ovurnýtslan í samband við almennar verkætlanir í høvuðstaðnum er størri enn samlaða íløgan hjá landinum í skúlar og Heilsuverk í restini av landinum.

Nú um dagarnar var landstýrismaðurin í Heilsumálum úti og forsvaraði meirnýtsluna í samband við útbyggingarnar av Landsjúkrahúsinum samstundis sum hann gjørdi greitt at hetta als ikki skuldi fáa ávirkan á verkætlanina, líkamikið kostnað?

Nú verður so nógv tosað um breiðar semjur og serliga tá flokkar sita í andstøðu, men hvat við um vit gjørdu eina breiða semju um at rudda upp í tí fullkomiliga óskilinum sum valdar í samband við almennar íløgur hjá landi og kommunum?

Búskapsrráðið hevur upp í saman eftirlýst at hesar íløgurnar vóru samskipaðar og var tað gjørt á rættan hátt har áhugamálini hjá øllum økjum í landinum vóru hoyrd hevði hetta gagna øllum.

At polittiska skipanin hevur fullkomilig spælt fallit í samband við at raðfesta og staðfesta íløgur eru so mong dømi um.

Býarstýrið í Havn er væl á veg at oyðileggja høvuðsstað okkara í ovur hugi av inngangandi almenna peningastroyminum.

Samstundis sum hin kassin í Havn ger tunnlar fyri milliardir fyri at binda landi saman byggja grannarnir á Vaglinum eina containara og ferðafólkahavn sum skal sentralisera øll ferða fólk og konteynarar á sama matrikul. Síðani skal flogvøllur byggjast á sama stað alt rindað við kassa eitt av okkum øllum.

Úrslitið kenna vit; bústaðarneyð, dýrkandi liviumstøður samstundis sum vit hava fingið óruddiligasta høvuðstað í heiminum.

Sjálvsagt skuldi sentralurin fyri bingjur ligið á Skálafjørðinum og í Djúphavnini har nattjúruhavnirnar eru, sjálvandi skuldi tjóðarleikvøllurin ligið á Svangaskarði sum í framtíðini verður miðjan í Føroyska samferðslukervinum og ikki troðka niður millum hús, stovnar og vallir í Gundadalið har alt ferðslukervið steðgar upp hvørjaferð landsdystur er o.so fr….

Kanska vit kundu heitt á skilamannin Regin á Bakka, at staði fyri yvirornaðu almennu íløguætlanini, tí hann tykist verða einasti føroyingur sum dugur at gera stórar íløgur kring um í landinum.

Sí talvur niðanfyri

Lýsing
Seinastu tíðindini
Norðurjól í dag
Kommunala eftirlitið bíðjar eftir skjølu…
Reisigildið við Djúpumýrar
Skal lívið bæði byrja og enda í Havn?
Ummæli: Bindiklubbakonur­nar hava lagt st…
Animatiónsfilmar partur av jóla­hugna­num…
Ummæli: Protein­stríðið
Jørgen: Kringvarpið skapt alheimssøgu út…
Trýst- og viðgerðar skipan góðkend í Kla…
Huaweimálið - fær tað avleiðingar fyri K…
Býráðið samtykt vinarbýarsamstarvið við…
Miðlastuðul latin átta miðlum
Dagstovnagjøld­ini hækkað í Klaksvík
Jógvan á RUV í kvøld
Meintu tit tað slett ikki?
Útróðurin
FM-steypið vitjar á Norð­lýsinum
21. milliónur krónur til Húsarhaldsskúla…
Líðhamar fiska fyri 10 milliónir krónur
BankNordik: Eingin uppsøgn í Klaksvík
Lýsing