Lýsing
Lýsing

Fimta Krýnikubókin hjá Jógvani Arge

SKRIVAÐ: Jóhann Lützen  |  07.11.2019 - 16:35 Mentan Tíðindi

Tað byrjaði við gøtuskurðanum og havnarmanninum, og undirtøkan var so mikið góð, at nú kemur so fimta bókin í røðini. Hesaferð eru vit í 1970’unum, har heimspolitikkur setti sín stóra dám á Føroyar, og ikki minst, at Føroyar settu sín dám á við at víðka sjómark og við millumlandasigling.  

Eins og tær undanfarnu bøkurnar spennir hendan víða. Líka frá útróðrarverkfalli og spírandi Ráfiskagrunninum yvir olymisku leikirnar í München í 1972 og til vietnamkríggið í fjareystri. Komið verður millum annað inn á dramatisku hendingina, tá Anton Olsen úr Rituvík saman við øðrum umborð á Claru Mærsk bjargaði vietnamiskum flóttafólkum í havsneyð. Tað sermerkta var, at tað ikki bert vóru nøkur fá flóttafólk, men fleiri túsund.  

Fiskivinnan fær eisini drúgva umrøðu í bókini. Bókin viðger samgonguna 1975-1979, sum bæði stóð fyri risastórum frambrotum so sum viðkanini av sjómarkinum út á 200 sjómíl og meira ivasamum avgerðum sum áðurnevnda Ráfiskagrunninum. Men hesar stóru avgerðir vóru ikki tær, sum góvu samgongulimunum tær mest svøvnleysu næturnar. Tað var tað hinvegin ein spurningur um Smyril skuldi sleppa at sigla til Skotlands, sum gjørdi.

Altjóðapolitiskt var háspenningur í luftini, og tað merkti bæði OL, har palestinesiskir partisanar tóku ísraelsk ítróttarfólk til gíslar, og konfliktin í fjareystri gjørdi sigling í økinum serstakliga vandafulla. Tað gav eisini at bíta fyri føroyingar, tí tvey føroysk skip vóru stødd har, umframt at føroyingur var skipari á einum triðja, donskum skipi, ið varð søkt.

Høvundurin megnar við sínum eyðkenda lætta penni at sjóða allar hesar hendingar, ið spenna um fleiri heimspartar, saman í eina viðgerð, sum ger, at lesarin hevur lætt at seta seg inn í, hvussu ein føroyingur í 1970’unum uppfataði hendan tíðindafloymin kring hann. Hóast púra ymiskar hendingar er reyði tráðurin, at Føroyar veruliga vóru ávegis at gerast partur av heimssamfelagnum uppá gott og ilt.

Her er mótburður og viðgongd, heimligur politikkur og grannastríð við íslendingar og bretar, her er altjóða yvirgangur og proxykríggj, og her er útróður og millumlandasigling í bæði friðar- og vandasjógvi, og her er tónleikur og enntá eitt eldgos. Samanumtikið ein vælskrivað bók, ið ger lesaran føran fyri at kenna meginpartin av 1970’unum uppá ta løtuna, tað tekur at lesa eina bók.

Lýsing
Seinastu tíðindini
Hesum kann KÍ møta í Champions League
Sambýlið í Bøgøtu verður umskipað
Hentar og hondgjørdar jólagávur í Klaksv…
Lat djúpvatnstrolarar­nar fáa tonsini
Rósa spyr um børn og ung við álvarsligum…
Steffan spyr Kaj Leo um fosturtøkur
U21-lands­dystu­rin er avlýstur
Jólalig bindicafe
Navision fyri bókhaldarar - 5 pláss eft…
Magnus spyr um Novo Nordisk grunnin og s…
Jenis á krossferð
Øll byggifrøði­útbúgvingin kann nú takast…
Fiski­vinnan úr ymiskum sjónarhornum
Samgongan ríkar tey ríkastu
Bjørt spyr Helga um dálking við plásti
Skatta­listin 2018 liggur alment frammi
Graviarbeiðið heldur fram eftir Heygaveg…
Taptu 3-0 hóast væl frægari hugburð
Teir rokast á útróðri
Fuglakanningarstøðin hevur brúk fyri hjá…