Av Fiskamarknaðinum hava vit fingið, at Líðhamar selur 15.300 pund av útróðrarfiski á marknaðinum í dag. Vit ringdu til Norðsøka, teir søgdu seg hava 10.000 pund harav 2/3 eru hýsa. Brandur segði seg hava knapt 10.000 pund harav 1/3 var toskur.

Bragd er á beding í dag. Oddmar Niclasen, skipari sigur, at seinasta vika var góð, vit avreiddu 64.000 pund á fimm setum, so vit kunnu ikki lata illa at. Men nú fingu vit trupulleikar við einum kontraventili og noyddust á beding. Møguliga fara vit aftur til útróðrar í kvøld.

Fyri løtu síðani frættu vit frá ANRU. Gundur Sørensen segði, at teir høvdu sett 35 stampar í dag, og høvdu um 8.000 pund inni. Umleið ein triðingur toskur, segði hann.