Hesum kann KÍ møta í Champions League
Vit hava hugt eitt sindur uppá, hvørji mótstøðulið KÍ kann møta í Champions League komandi summar.
Føroyameistararnir úr KÍ skuldu komandi ár luttaka í Champions League. Og verður KÍ útsligið í Champions League, so ''dettur'' liðið niður í Europa League. KÍ skal sostatt í minsta lagi spæla fýra Europa dystir. KÍ byrjar í 1. umfari í Champions League, har 32-34 lið eru. KÍ verður ikki millum tey styrkismettu. Tá KÍ fer í Europa League, so møtir liðið einum tapara í einum øðrum Champions League dysti.
Gamlir kenningar
Millum tey 16-18 mótstøðuliðini vera væntandi minst tvey lið, sum KÍ hevur møtt áður. Molde er norskur meistari og spældi móti KÍ í 2003, meðan Reyða Stjørna er oddalið í Serbia og spældi móti KÍ í 2000. Enn eru tær flestu kappingarnar í gongd, so enn eru ikki so nógv mótstøðulið kend. Fýra mótstøðulið eru higartil kend:
Astana (Kasakhstan)
Molde (Noreg)
Sheriff Tiraspol (Moldova)
Dundalk (Írland)
Afturat hesum vera møguligu mótstøðuliðini mest sannlíkt hesi:
Meistarin í Skotlandi (Mest sannlíkt Celtic ella Rangers)
Meistarin í Kypros
Meistarin í Serbia (mest sannlíkt Reyða Stjørna)
Meistarin í Póllandi
Meistarin í Aserbadjan
Meistarin í Ísrael
Meistarin í Bulgaria
Meistarin í Rumenia
Meistarin í Slovakia
Meistarin í Slovenia
Meistarin í Ungarn
Meistarin í Albania
Sostatt er møguleiki fyri, at KÍ møtir stórfelagi sum Celtic ella Rangers. Venjari hjá Rangers er Steven Gerrard, sum vit kenna sum ein tann besta leikaran hjá Liverpool nakrantíð. Fyrsta umfar leikt 7-8 juli og 14.-15. juli. Lutakast verður 16. juni. Síðani verður spælt hvørja viku so leingi sum liðið ikki verður útsligið.