Lýsing

Klaksvíkar Sjúkrahús sett serlækna

SKRIVAÐ: Klaksvíkar Sjúkrahús  |  04.12.2019 - 15:17 Tíðindaskriv Tíðindi

Leiðslan á Klaksvíkar Sjúkrahúsi boðar frá, at tey hava sett Poul Verner Madsen, serlækna í undirarm- og hondkirurgi, í starv. Afturat sergreinini, hevur Poul Verner drúgvar royndir í ortopædkirurgi.

Starvsfólkini á Klaksvíkar Sjúkrahúsi fegnast um setanina, og síggja fram til at hendan sergrein nú verður støðugari í Føroyum. Poul Verner hevur starvast sum konsulentur á Klaksvíkar sjúkrahúsi umleið 4 vikur um árið, síðani 2002. Leiðslan á Klaksvíkar Sjúkrahúsi sigur, at stórur tørvur er á hesi sergrein, m.a. tí at vinnan í Føroyum er væl umboðað av fakfólkum við støði í handverki o.líkn., og tað eru ofta hesi, ið koma illa fyri. Leiðslan leggur afturat, at tey eisini síggja nógv ítróttarfólk, ið hava tørv á serlækna í undirarm- hond- og ortopædkirurgi.

Poul Vernar hevur læknafakliga tyngd, og er eitt gott ískoyti til læknatoymið á Klaksvíkar Sjúkrahúsi. Í sínum dagliga virki í Danmark, hevur frálæra verið ein natúrligur partur í starvinum hjá Poul Vernari, m.a. hevur hann undirvíst læknum og øðrum fakbólkum í almen kirurgi og traumatologi. Alexandra á Dul, stjóri á Klaksvíkar Sjúkrahúsi greiðir frá, at tað er ein fyrimunur at hava ein lækna, ið hevur drúgvar royndir í at handfara bráðfeingisstøður – serliga í samband við sjúklingar, ið skulu flytast til Landssjúkrahúsið, har tey hava størri tilfeingi og útgerð til at viðgerða hesar. Súsanna Olsen, varastjóri á Klaksvíkar Sjúkrahúsi leggur afturat, at tað er sera spennandi hjá starvsfólkunum at fáa ein kirurg, ið leggur so stóran dent á frálæru, tí hetta vil uttan iva menna arbeiðið hjá starsfólkunum á skurð-, røntgen- og seingjardeildini.

Setanin av Poul Vernari er ikki ein uppnormering av læknahópinum á Klaksvíkar Sjúkrahúsi, men orsakað av, at ein lækni hevur sagt seg úr starvi eftir góða tænastu.

Leiðsla og starvsfólk á Klaksvíkar Sjúkrahúsi síggja fram til samstarvið, og takka fráfarandi læknanum fyri gott arbeiði og samstarv.

Poul Verner Madsen tekur við starvinum í mars 2020.

Lýsing
Seinastu tíðindini
Samandráttur av tíðindafundi­num kl. 15
Nýggi blokkurin hjá Norðborg verið kring…
Tey pota óført á Sjúkra­húsinum
Alt útsett, undantikið Betri Deildin men…
Tað verður bygt í hvørjum skoti
3 mió. til trygdarútgerð Norður um Fjall…
14 nýggir koronatilburðir
World Wildlife Fund setir pengar í Ocean…
Sjúkra­hús­ini kanna øll fyri koronu – men…
Myndarøð: Gadus afturkomin
Nýggi blokkurin komin umborð á Norðborg
KÍ hevur ongantíð vunnið við Margáir
Ónøgd um privatiser­ingar og SEV
Maria setti føroyskt met í 400m
Húsarhalds­skúlin: Alt væl
Bátatreffið avlýst
Tveir nýggir koronatilburðir eru staðfes…
Rógvi og Rigmor blivu føroyameistarar í…
Heilsan til M.C.
Spøl, felagssangur og framførsla íkvøld