Lýsing

Útróðrarmenn í dýrastu neyð

SKRIVAÐ: Oliver Joensen  |  05.12.2019 - 10:08 Mentan Myndarøð Politikkur Tíðindi Vinna

Norðuri í Hvannasundi ganga fýra útróðrarmenn og umleið 10 mans, sum av og á egna hjá útróðrarbátinum ANRU í døpurhuga fyri einki, nú tað nærkast jólum. Eingin inntøka sjálvt um teir hava rikið bátin vinnuligt.

Orsakað av eini ómøguligari fiskivinnuskipan, er útróðrarbáturin ANRU við Gundur Sørensen dottin niður ímillum “fínu” reglugerðingarnar hjá Fiskivinnustýrinum.

Gundur Sørensen, ið er kendur útróðrarmaður og fiskimaður keypti ein stóran plastbát, gamla Grindafoss, í juli mánaða í ár.

Av tí at reglurnar, sum Fiskimálastýrið hevur sett upp eru so háttaðar, so sleppur ANRU ikki í bólk 5A fyrr enn hann í eitt rakstrarár hevur prógva at báturin verður fult rikin. Tí verður hann flokkaður í bólk 5B, sjálvt um ANRU hevur verið fult rikin líka síðani hann var keyptur og tað hevur harafturat ligið stak væl fyri við fiskarínum.

Nú ongir fiskidagar eru eftir til bólk 5B, hava bæði teir fýra menninir, sum hoyra til bátin og egnararnir gingið norðuri í Hvannasundi uttan inntøkuna frá bátinum.

Nógvur fiskur er at fáa. Í gjár var ringt veður og ein av stóru línubátunum á Klaksvík gjørdi av at seta línuna frá Líðarmunna í Djúpunum og norðureftir, faktiskt á snørisleið hjá smábátum, teir fingu góð 13.000 pund av góðum fiski.

Tað er ein sera óheppin støða hjá einum av okkara bestu fiskimonnum, at vera komin í, nú hann hevur spent seg fyri at keypa sær ein framkomnan útróðrarbát.

Politiskt hoyrist bert snakk.

Lýsing
Seinastu tíðindini
Samandráttur av tíðindafundi­num kl. 15
Nýggi blokkurin hjá Norðborg verið kring…
Tey pota óført á Sjúkra­húsinum
Alt útsett, undantikið Betri Deildin men…
Tað verður bygt í hvørjum skoti
3 mió. til trygdarútgerð Norður um Fjall…
14 nýggir koronatilburðir
World Wildlife Fund setir pengar í Ocean…
Sjúkra­hús­ini kanna øll fyri koronu – men…
Myndarøð: Gadus afturkomin
Nýggi blokkurin komin umborð á Norðborg
KÍ hevur ongantíð vunnið við Margáir
Ónøgd um privatiser­ingar og SEV
Maria setti føroyskt met í 400m
Húsarhalds­skúlin: Alt væl
Bátatreffið avlýst
Tveir nýggir koronatilburðir eru staðfes…
Rógvi og Rigmor blivu føroyameistarar í…
Heilsan til M.C.
Spøl, felagssangur og framførsla íkvøld