Hóast hetta hevur Vinnustjórin í Klaksvíkar Kommunu stytt sær stundir, við at hugleiða um at heilsurøktaraskúlin í Suðuroynni átti at verið fluttur til Suðurstreym???
 
Umvegis Facebook vanga sín skrivar Vinnulívsstjórin hjá Klaksvíkar Kommunu m.a. soleiðis:
 
….Eg síggi eisini væl, at forkvinnan í heilsuhjálparafelagnum skrivar, at tað er ein spurningur um økonomi og ikki geografi, sum hevur við sær, at alt ov fá útbúgvin røktarstarvsfólk eru í landinum: "Tað er ein sannroynd, at fólk aftra seg við at taka útbúgvingina, og ikki er tað altíð tað geografiska, sum spælir inn, men meiri tann fíggjarligi parturin.”
Eg havi veruliga onki ímóti, at heilsuhjálparar fáa lærlingaløn, men í somu grein síggja vit eisini talvuna á myndini, sum við tølum hjá heilsuhjálparafelagnum sjálvum staðfestir, at Suðuroy er so nógva ferðir betri fyri við faklærdum røktarstarvsfólkum enn restin av landinum.
Tí eri eg eitt sindur bangin fyri, at mann við bara at staðseta útbúgvingarnar til heilsuhjálparar í Suðuroy, við einari tankagongd um at taka atlit til alt landið, hevur gjørt øllum landinum eina bjarnatænastu. 
Tí tað er altso munur á at kunna koyra frá sínum heimi í skúla, og so at mestsum verða noydd at flyta frá sínum heimi fyri at sleppa í skúla.
https://www.in.fo/…/hvussu-kunnu-vit-i-felag-utvega-fleiri…/

Heimsins nalvi og vit onnur
Tað er ein sannroynd at føroyingar hava sera lætt við at flyta til Danmarkar og longur út í heim at fá heilsubót ella útbúgving, sum eins væl kann fáast í Føroyum, men at flyta til Suðuroynna í nakrar mánaðar ella ár er ein stórur trupuleiki.
Serliga tykjast tær akademisku Føroyar hava stórar trupuleikar av at føringar framvegis liva í einum oyggjarsamfelag.
 
Men í hesum tíðum har ójavnin millum Suðurstreym gerst alsamt størri og ´himmal rópand’ átti Vinnulívstjórin hjá Klaksvíkar Kommunu havt annað at gjørt enn at lágt ástir saman við teim kreftum sum hugsa við nalvanum og bert vilja draga alt inná miðjuna.

John William Joensen 

Prentari