Phil Freere byrjaði á bonkinum hesaferð. Thorvald Danielsen fekk somikið stóran snudd í øðrum setti, at Phil mátti inn at spæla sum hevari. Tað kom hann væl frá. 

Stóri miðjumaðurin av toftum Trygvi Hansen spældi við einum smíli allan dystin. Um tað er tí at hann skal giftast í næstum ella tí at hetta vóru hansara fyrstu minuttir á vøllinum í ár skal verða ósagt. Í hvørt fall sást beinavegin hvønn mun hann ger fyri liðið. Hann leikti sera væl. 

Tað er hugaligt at hyggja út á bonkin hjá Mjølnir. Har eru nógvir mans, tað økir kappingina um at spæla og tað er bara gott fyri liðið.  

Settúrslitini vóru 25-20, 23-25, 25-18 og 25-22.

Mjølnir spæla tveir dystir aftrat í bólkaspælinum. Hósdagin móti SÍb í Sørvági og 25. januar heima móti Fleyr b.

Hálvfinalurnar hjá bæði kvinnum og monnum verða leiktar í Klaksvík 8. februar