Lýsing
Lýsing

Sleipnir

SKRIVAÐ: Sleipnir  |  14.01.2020 - 23:36 Mentan Tíðindaskriv

Sum flestu aðrar staðir í landinum hevur áhugin á Skálafjarðarleiðini, fyri rossum og ríðing, verið skiftandi, síðani gangarin varð nýttur sum arbeiðsamboð í landbúnaði og til flutnings. Hesi seinru árini hevur áhugin fyri rossahaldi aftur tikið dik á seg, og nú var hesin vorðin somikið stórur, at tíðin var búgvin at seta á stovn eitt ríðingarfelag í økinum.

Tað var ein vælmøtt fjøld av eldri og yngri, sum var stevnd til skipanarfund í Lamba í kvøld. Avgjørt var at seta felag á stovn við tí endamáli, at røkja áhugamálini hjá fólki sum hava áhuga fyri rossum og ríðing. Felagið ætlar at skipa seg sum part av Ríðisambandi Føroya, - einum sersambandi undir Ítróttarsambandi Føroya, og harumframt skal felagið virka fyri, at ítróttarkarmarnir kring um felagið gerast so góðir, at skipaðar kappingar kunnu haldast í økinum.

Semja var um at geva felagnum felagsheitið Sleipnir, uppkallað eftir gitna hesti Óðins, og heimstaður felagsins er í Lamba í Runavíkar kommunu.

Viðtøkur felagsins vórðu samtyktar á fundinum, og eru tær skipaðar soleiðis, sum slíkar vanliga eru tað í ríðingarfeløgum, ið eru ætlað til rossahald og ítrótt.

Á fundinum var ein nevnd vald samsvarandi viðtøkunum. Sæti í nevndini fingu:

 

Jón Nónklett, formaður

Turið Petursdóttir, skrivari

Jákup Vágsheyg, peningarøkil

Anna Magnussen, nevndarlimur

Ludvík við Stein, nevndarlimur

 

Tey, sum vóru møtt á fundinum, umboðaðu 14 ross, harímillum tvey føroysk ross, og ætlanin er at leggja til brots alt fyri eitt. Tey sum hava áhuga fyri at gerast partur av felagnum kunnu sláða uppá tráðin hjá onkrum nevndarlimi fyri at frætta meiri um ætlanir Sleipnirs.

 

Jón Nónklett, formaður.

 

 

 

 

 

 

 

 

 

 

 

Lýsing
Seinastu tíðindini
Skt. Pætursborg og Klaksvík vinarbýir
Enn ein dagur í St. Pætursborg
Ferðslulop á Kalsoyar­leið­ini í 2019
Myndarøð: KÍ á venjingarlegu í Suðuroynn…
Ein nýggj vinna í menning
Kyndilsmessudansur í Haraldsundi
Tøkk - Dánjal Petur Hansen
Ársfrágreiðingin hjá KÍ-formanni­num
Polarhav og Stjørnan hava gjørt góðan tú…
Effo støðin í heilt nýggjum sniði
Buffét á Tekniska Skúla
Janus á Húsagarði í Ribarhúsi
St. Pætursborg – portrið vestureftir 
Ein útskifting í KÍ-nevndini
Nú verður KÍ eisini partur av stroymingi…
Dýrd í kvøld
- Vit arbeiða miðvíst við at menna eldra…
Tvær ferðir KÍ-HB á Tórsvølli leygardagi…
Ársins leiðarar 2020 | Topp 3 kandidatar…
Borg Sankta Pæturs