Lýsing
Lýsing
Lýsing

Aðalfundur – Grunnurin, Mentanarhús í Klaksvík – Varpið

SKRIVAÐ: Grunnur Mentanarhús í Klaksvík  |  27.03.2026 - 08:00 Mentan Merkisdagar & Kunngerðir

Ársfundur verður í Varpinum fríggjadagin 10. apríl 2026 kl. 15.00

 

Varpið hevur verið sera væl vitjað og nógv brúkt til ymisk størri og smærri tiltøk. Umleið 600 tiltøk hava verið í Varpinum, síðani dyrnar lótu upp í oktober 2023.

Bara í 2025 vórðu umleið 270 tiltøk, av øllum handa slagi, m.a. konsertir, sjónleikir, framsýningar, fyrilestrar, vinnutiltøk, vitjanir, rundvísingar, fundir, brúdleyp, føðingardagar, borgarafundir, kjakfundir, palllistaskúli, opin pallur, kafé-kvøld, livandi tónleikur, kórvenjingar, sjónleikavenjingar, tónleikavenjingar, studio-upptøkur, listaframsýningar, hátíðarhald, grækarismessa, flaggdagshald, jólahald, og vit kundu hildið fram.

Fyri ikki at nevna FMA, Ítróttarfagnaðin, Várkonsertin hjá Føroya Symfoniorkestri, sum fekk nógv rósandi orð við á vegnum.

 

Grunnurin verður umsitin av einum stýri við 5 limum, sum verða valdir soleiðis:

• Klaksvíkar Sjónleikarafelag velur ein lim,

• Norðoya Listafelag velur ein lim,

• Vinnulívsráðið í Klaksvík velur ein lim, og

• Klaksvíkar Býráð velur tveir limir

 

Limirnir verða valdir fyri 4 ár í senn aftaná eitt býráðsval.

 

Stýrið skipar seg sjálvt við formanni og varaformanni.

Stýrið ásetir nærri reglur fyri virki sítt og er heimilað at seta dagligan leiðara fyri grunnin at samskipa virksemið.

 

Ársfundur

Ein serstakur stýrisfundur verður á hvørjum ári hildin fyri 1. apríl (ársfundur). Á hesum fundi hava nevndirnar hjá Klaksvíkar Sjónleikarafelag, Norðoya Listafelag, Klaksvíkar Hornorkestri, Vinnulívsráðnum í Klaksvík, Klaksvíkar Tónleikarafelag, og Klaksvíkar Býráð talurætt, meðan valdu umboð teirra hava atkvøðurætt. Ársfundurin verður lýstur minst 14 dagar frammanundan.

Ársfundurin verður hildin við hesi dagsskrá:

1 - Formansfrágreiðing um farna roknskaparár, og roknskapurin skal góðkennast.

2 - Ársfrásøgn Grunsins verður løgd fram til góðkenningar.

3 - Samsýning til stýrið verður møguliga ásett.

4 - Val av grannskoðara.

5 - Ymiskt.

 

Ársfundur verður í Varpinum fríggjadagin 10. apríl 2026 - kl. 15.00

 

Lýsing
Seinastu tíðindini
Ovurfegin málskjútti
Nei! Sentralisering av dialysu leingir i…
Líggjas vunnið gull á Danish Open í kvøl…
Borgarafundur um ferða­vinnu­ætlan fyri Sv…
Føroyskir kavaraførleikar styrkja donsku…
Várdagar og Bátafestivalur
Nýtt alment parkeringsøki ávegis í miðbý…
Norð­oyastevnan stendur fyri durum
Heimsmál­ini á bókasøvnunum
Veðrið um vikuskiftið
Klaksvík fylgdi slett ikki við!
Megnar Mjølnir at spæla seg í áttandu st…
Klakkur inni við 190 tonsum
Konsert í Hoyvíkar kirkju 18. apríl 2026…
Samgonguskjalið 2026 og lágløntir pensjó…
Kvinnu­stevnan verður 25. apríl
Durita: Vónirnar eru góðar
Spennandi bridgefestivalur við altjóða l…
Steinway-artistur hugtikin av flyglinum…
Myndarøð: Tá skotið varð fyri Norð­oyatun…