Trupuleikin viðvíkjandi ræðisrættindunum hjá teimum trimum sjúkrahússtjórunum loystur
Frimodt Rasmussen, løgtingslimur váttar at landsstýrismaðurin í Heilsumálum hevði kunnað Sambandsflokkin um at orðingarnar í leiðslukunningarskipanini, verða broyttar aftur til tað sum stóð skrivað fyri tveimum døgum síðani.
- So skjótt sum vit frættu um hetta málið um broytingar í leiðslukunningarskipanini, bóðu vit um eina frágreiðing frá landsstýrismanninum í Heilsumálum. Hann greiddi frá at hann hevði givið boð um, at orðingarnar viðvíkjandi ræðisrættindunum hjá teimum trimum sjúkrahússtjórunum, skullu broytast aftur til tað, sum stóð fyri 48 tímum síðan.
Júst sum vit tosaðu við tingmannin, legði landstýrismaðurin í Heilsumálum, hetta út á sín egna Facebook vanga:
“Eg fari í 90 ára føðingardag hjá mammu kl 18:00, áðrenn tað skal avbjóðingin viðvíkjandi sjúkrahúsunum verða loyst.
Eg havi givið mína meining til kennar hvussu hetta skal loysast.
Lat okkum standa saman um okkara heilsuverk, og nei eg ætli mær sjálvandi ikki at niðurleggja nakað sum helst.
Eg eri líka góð við øll okkara sjúkrahús og fólkini sum har arbeiða og gerða eitt fantastiskt arbeiði.”