Sigbjørg Justesen 45 ára starvsdag
Starvsfelagarnir heiðraðu Sigbjørg eftir at hon hevur verið í starvi í samfull 45 ár hjá Heilsutrygd
Á Heilsutrygd fagnaðu tey í dag Sigbjørg Justesen, tí hon kundi hátíðarhalda sín 45 ára starvsdag. Hon byrjaði í starvi 1. februar 1975 í Sjúkrakassanum á miðhæddini í sama bygningi, har hon nú heldur til á ovastu hædd.
Egil á Bø stjóri í Heilsutrygd segði, at hann var einans eitt ár tá Sigbjørg byrjaði í starvi. Hann segði m.a. at landsstýrismaðurin heitti á Sigbjørg um, at standa fyri, tá teir 11 sjúkrakassarnir í Føroyum blivu savnaðir í Heilsutrygd í 2009.
Egil á Bø handaði síðani Sigbjørg Justesen fortjenestemedalje i sølv frá Hennara hátign Drotning Margrethu.
Sigbjørg er løtt av lyndi og segði at hon var frísk uppá at røkka teimum 50 starvsárunum. Hon segði við Norðlýsið at hon hevur trivist væl í starvinum øll árini.
Vit vórðu framvið og fingu nakrar myndir.
Norðlýsið ynskir Sigbjørg hjartaliga til lukku við 45 ára starvsdegnum.