Eitt lágtrýst fer næstu dagarnar at trýsta seg ímóti Føroyum vestaneftir. Tað ger, at vindurin fer at veksa frá seint í kvøld og allan morgin. Í annaðkvøld eru 15 til 20 m/s.

Men tað er dagurin í dag, tað skal snúgva seg um.

Ættin snaraði úr landnyrðingi-norði tíðliga í morgun niður í landsynning-sunnan. Nú er tað nakað væl lýggjari luft, sum rekur hendavegin. Broytingin merkist tó ikki serliga væl enn, tí fjøllini eru kavaklødd – og tað kølir heilt fitt.

Í Mykinesi vóru í morgun klokkan 2,3°C; í gjáramorgun klokkan 8 var 1°C. Munurin er bert eitt stig. Men munurin fer at veksa, tí hann fer at liggja lágt næstu dagarnar.

Ættin fer allan dag at vera landsynningur-sunnan. Vindferðin er lítil í morgun – einar 3-5 m/s í miðal fyri alt landið. Seint seinnapartin fer vindurin at veksa eitt sindur. Um nátturðatíð er vindferðin komin upp í 5 til 10 m/s; á midnátt 8 til 13 m/s.

Hitin fer at liggja um 3 til 5 stig. Turt allan dag.

Í nátt og fyrrapartin í morgin fer vindurin at vera tann sami sum í kvøld. Seinnapartin fer at veksa.