Av teimum sum spældu nógv var elsti leikarin 25 ár, tá KÍ í 1991 vann fyrsta føroyameistaraheitið felagsins í 19 ár, sum var longsta bíðitíðin millum tvey meistaraheitir hjá KÍ fram til KÍ í fjør vann føroyameistraheitið fyri fyrstu ferð í 20 ár. Sí leikaralista frá FaroeSoccer niðast í greinini sum m.a. vísir, hvussu ungt hetta KÍ-liðið var og hvussu nógvir leikarar fingu eina langa og flotta fótbóltsleið.

Upptøkurnar eru frá KVF og eru frá sera spennandi endaspurtinum, har KÍ eftir síðsta dystin mátti bíða eftir boðum úr Gundadali, har brúk var fyri hjálp frá HB.