Tað sigur Agnar Joensen í morgun, sum er skipari á Grønanes. Grønanes trolar eftir upsa á Fugloyarbankanum í løtuni.

Vit hava verið eitt sindur ódrúgvir í seinastuni, tí vit høvdu trupulleikar av róðrinum. Hetta gjørdi at tað fyrst gekk ein tíð áðrenn vit sluppu upp á beding og harafturat ein vika uppi, so tað hevur tikið nakað av tíð hjá okkum.

Týsdagin fóru vit út aftur og fiskiskapurin hevur verið brúkiligur síðani. Vit hava fingið einar 70-80 kassar av upsa, nakað av toski eitt sløð av  longu og onkra havtasku í hálið. ella eini 7-8000 pund.

Veðrið hevur verið gott síðani vit komu út aftur. Annars plagar upsafiskiskapurin at minka nakað hesa tíðina, men tað er ymiskt hvussu fiskagongdin er tey ymsu árini, so tað er ikki til at vita. Men sum er er fiskiskapurin brúkiligur.

Annars hevur hesin fyrsti parturin av árinum havt nógv hart veður við sær, sum tey flestu munnu vita, men sum sagt, í dag hava vit gott veður her eystanfyri.

Eg rokni við, at vit koma inn at landa seinnapartin í komandi viku, sigu Agnar Joensen, skipari á Grønanesi at enda