Lýsing
Lýsing
Hetta barometrið vísir bæði millimetrar av kyksilvri (mm) og hektopascal (hPa). | Mynd: fischer-barometer.de

Methøgt lufttrýst seinasta leygardag

SKRIVAÐ: Hanus Kjølbro  |  30.03.2020 - 16:00 Tíðindi Veðrið

Lufttrýstið var sera høgt leygardagin. Kanska methøgt fyri Føroyar síðan 1873.

Tað var eitt dynamiskt hátrýst, sum flutti seg norðureftir til okkara. Sjálv miðjan kom ikki nærri okkum enn einar 1-200 fjórðingar, men tó var lufttrýstið sera høgt í Føroyum.

Fleiri lesarar hjá Norðlýsinum settu seg í samband við veðurredaksjónina seinnapartin leygardagin um hetta høga trýstið, sum barometur teirra vísti.

Og trýstið var høgt. Sera høgt…

Eitt barometur í Hvannasundi vísti á middegi leygardagin 787mm. Roknað um til eindina, vit brúka í dag, svarar hetta til 1049hPa.

Harafturat má rætting gerast fyri hædd yvir sjóvarmálan, tí lufttrýstið minkar 1hPa fyri hvørjar 8 metrar upp frá sjóvarmálanum. Nevnda barometur í Hvannasundi stendur einar 10 metrar oman fyri sjóvarmálan.

Tí kunnu vit leggja 1hPa afturat teimum áður nevndu 1049hPa. Tað gevur 1050hPa!

Bert fáar kilometrar longur norði – á Viðareiði – vísti eitt barometur samstundis 789mm, svarandi til 1052hPa. Afturat mugu leggjast 5hPa, tí barometrið hongur á stovuveggi einar 40 m oman fyri sjóvarmálan.

1052hPa + 5hPa = 1057hPa!

Vit kunnu seta spurnartekin við nøkur viðurskifti á øllum mátingum: um hæddina yvir sjóvarmálan, um dygdina á barometrinum og um barometrini er rætt stillað. Hetta hevði kanska broytt tølini eitt lítið sindur.

Vørn hevur 6 mátistøðir kring landið. Tær vístu eisini høgt lufttrýst leygardagin. Støðin á Kirkju vísti 1050,1hPa beint eftir klokkan 15 seinnapartin leygardagin. Rætting fyri hædd oman fyri sjóvarmálan er íroknað talið.

Hinar støðirnar kring landið vístu næstan tað sama – bert 1hPa ella 1,5hPa minni.

So tað er eingin ivi, at lufttrýstið var sera høgt. Men hvussu høgt?  

Á heimasíðuni hjá Danmarks Meteorologiske Institut (DMI) eru hagtøl fyri veðrið í Føroyum síðan 1873.

Hægsta máting síðan 1873 var 13. desember 1995. Máting varð gjørd í Havn.

Lufttrýstið hendan dagin var 1048,9hPa.

Sostatt vóru mátingar hjá lesarum í Hvannasundi og á Viðareiði og eisini støðin hjá Vørn á Kirkju hægri enn metið, sum stendur á heimasíðuni hjá DMI.

Lýsing
Seinastu tíðindini
Fantastiskt Requiem í Varpinum skírisdag
Jákup B. Andreasen kann skjótt blíva klá…
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…