Nú vit skriva 2020 er Svínoygin framvegis í "oljutunnuøldini", ein tíð, sum fyri flestu onnur pláss í Føroyum er søga fyri skjótt mongum árum síðani.

Sjálvt Fugloyggin er komin til ár 2020 í hesum sambandi. Fyri árum síðani bleiv avtalað gjørd við SEV og Magn um at fugloyingar kunnu keypa olju úr tangunum hjá SEV á Kirkju og harafturat verður oljan koyrd til hvørt húski í oynni.

Myndirnar omanfyri tók eg fyri umleið tveimum árum síðani í 2018, tá krúnprinsavitjan var  á Fugloyni og fugloyingar fegnaðust um, at teir kundu fáa brennioljuna koyrda at húsum.

Men sum myndirnar niðanfyri vísa, so knógva svínoyingar framvegis undir tungum oljutunnum hvørjaferð teir skulu hava brenniolju. Svínoyggin er partur av Klaksvíkar Kommunu.