(Upptakt) ÍF-KÍ
KÍ skal vinna fyri at hanga í hinum toppliðunum, meðan ÍF kann fara at arga toppliðini á heimavølli í ár.
ÍF er frammanfyri KÍ á stigatalvuni undan 3. umfari, men bæði liðini hava eins nógv stig (3). KÍ hevur síðstu árini staðið seg væl móti ÍF, men vit skulu ikki longur aftur enn til 2016, tá ÍF vann greiðan sigur á KÍ, tá tey fæstu væntaðu tað. Undan kappingarbyrjan spældu ÍF og KÍ ein venjingardyst, har talan fyri tað mesta leikliga var um javnan dyst, tó at KÍ vann 4-1.
Hjá ÍF er ivamál, um Jens Joensen verður við vegna skaða. Hjá KÍ væntast Jesper Brinck neyvan at vera tøkur eftir heilaskjálvtan móti B36 í 1. umfari. Annars væntast allir leikarar tøkir, ið hava spælt fyrstu tvey umførini.
Dysturin í Fuglafirði byrjar kl. 16.00, og dómari verður Petur Reinert.