Lýsing
Lýsing
Upptakt: KÍ-EB/Streymur
Hóast tað eru liðini á 5. og 6. plássi, ið møtast, so er KÍ stórfavorittur.
KÍ skal royna at vinna sín triðja sigur á rað, meðan EB/Streymur kemur við stórum sjálvsáliti eftir 2-0 sigur á TB seinast. KÍ hevur vunnið sjey teir seinastu dystirnar móti B/Streymi, men mangan hevur spenningur verið til tað síðsta m.a. í tveimum av teimum trimum dystunum í fjør, har KÍ vann við einum máli.
Hjá KÍ eru nærum allir mans tøkir av teimum, ið hava spælt í ár. Hjá EB/Streymi hevur Arnbjørn Hansen, sum mangan hevur skorað móti júst KÍ, ikki verið við síðstu dystirnar. Eisini Magnus Jarnskor og Poul G. Olsen hava sitið uttanfyri síðstu dystirnar.
Dysturin í Klaksvík byrjar kl. 19.00, og dómari verður Bjarki Danielsen.
Seinastu tíðindini