Lýsing
Lýsing

Áhugaverd konsert á Nólsoyar Pálsgarðinum í dag

SKRIVAÐ: Dávur Winther Myndir: Dávur Winther  |  28.06.2020 - 13:33 Mentan Myndarøð Tíðindi

Tað er bólkurin, Svabonia, sum er mannaður við Angelika Hansen á violin, Fiona Parker á horn, Daniel Rye á klarinett og Ólavur Jakobsen á gittarasum í dag kl 15 spæla løg, sum vóru uppi í tíðini á Nólsoyar Páls døgum.

Við sær hava tey eisini eina violinin, sum Nólsoyar Páll skal hava spælt uppá. Hon hevur í eina tíð verið í varðveitslu á Tjóðsavninum, men í sambandi við tríggjar konsertir hjá bólkinum Svabonio, er violinin ”leyslatin” at brúka til tónleikaframførslur.

Johan Mortensen greiðir frá, at violinin hevur verið ein partur av innbúgvinum hjá Mortensen-familjuni á Tvøroyri. Tað var bróðursonur Nólsoyar Pálls, hin navnframi Nólsoyar Jógvan, sum hevði violinina við til Tvøroyrar.

Ongin ivi er um, at Nólsoyar Páll eisini hevur spælt upp á hesa violinina, verður sagt.

Umframt at spæla løg úr nótabók Svabos, sum Daniel Rye hevur lagt til rættis, fara tónleikararnir eisini at spæla verk eftir Beethoven og Mozart.

Nólsoyar Páll og Svabo kendust, og hava helst spælt saman - kanska hava fyrstu strofurnar av Fuglakvæðinum verið spældar upp á hesa violinina, sigur Johan Mortensen, sum eisini greiðir frá, at violin hevur verið í varðveitslu í ættarlið í teirra familju.

Tað verður spennandi, tá ið henda violinin fer at ljóma á garði Nólsoyar Páls í Klaksvík í dag kl. 15.

 

Lýsing
Seinastu tíðindini
Ægir: Hægstu stigatøl á FM 2020
Signhild Joensen ársins svimjari
Fleiri ungir línumenn við Havbúgvanum
Sigursgongdin hjá KÍ kvinnunum heldur áf…
Gloymið Bústaðir! Latið kommunur­nar bygg…
Áki Mørk: Vónirnar eru góðar hjá styrktu…
Jofridt Jensen úr Fuglafirði níti ár 6.…
Corona: Ein tilburður staðfestur
KÍ vendi aftur øllum og vann
Vitja 5 fjallatoppar og vinn
Kirkju­bøkur­nar í Eysturoynni
Kaj Leo Holm Johannesen helt røðu til pr…
Upptakt: KÍ-TB
Søla í smáttunum
Kommunala Eftirlitið kannar valagn
Tøkk
Fleiri vegir verða asfalteraðir
Norðlýsið á gøtuni
Læra av Bakkafrost
Danmark-Føroyar í oktober