B36 og KÍ hava einaferð áður spælt skrásettan dyst á Tórsvølli. Tað var í finaluni um løgmanssteypið í 2001, har B36 vann 1-0.

Hósdagin skrivaði Norðlýsið, at KÍ fekk skaðar o.a. móti HB, sum gera fortreytirnar verri hendan dystin. Og tað verður eitt nakað broytt KÍ-lið, sum fer á vøllin í dag. Odmar Færø og Ísak Simonsen fóru skaddir av vøllinum móti HB og spæla neyvan hendan dystin. Jákup B. Andreasen byrjaði á bonkinum og spældi helst longri enn ætlað, tí hann kom inn í hálvleikinum, meðan Ole Erik Midtskogen var darvaður av langa dystinum. Hvørgan tóktist tó fáa nakran skaða, men tað má metast sum ivasamt, um báðir spæla frá byrjan. Hjá B36 eru eisini fleiri ivamál. Erling Dávidsson er langtíðarskaddur, meðan Sonni Ragnar Nattestad ikki spældi seinasta dyst. Símun Rógvi Hansen hevur heldur ikki spælt síðstu dystirnar, meðan Eli F. Nielsen mátti tíðliga av vøllinum móti B71 mikukvøldið.

Dysturin á Tórsvølli byrjar kl. 15.00, og dómari verður Jóhan Hendrik Ellefsen.