Lýsing
Lýsing
Tíðindini 3. august um ósemju kring Húsarhaldsskúla Føroya vóru falskur alarmur. | Mynd: Húsarhaldsskúli Føroya

Húsarhaldsskúlin: Alt væl

SKRIVAÐ: Jóhann Lützen  |  04.08.2020 - 14:56 Politikkur Tíðindi

Tað var ein misskiljing, sum elvdi til tíðindini um Húsarhaldsskúla Føroya í gjárkvøldið, 3. august, um at kinkur var komin í millum Klaksvíkar Kommunu og Bústaðir. Væntandi fer Jenis av Rana, landsstýrismaður í mentamálum, at koma við eini útmelding í dag, har misskiljingin verður rættað.

Sambært landsstýriskvinnuni í Almannamálum, Elsebeth M. Gunnleygsdóttir, sum eisini hevur við Bústaðir at gera, var tað ein misskiljing, at har skuldi vera komið vátt í reiðrið ímillum Bústaðir og Klaksvíkar Kommunu í sambandi við Húsarhaldsskúla Føroya í Klaksvík. Bæði hon og mentamálaráðharrin, fara at greiða hesa fløkjuna, helst longu í dag.

Tað er ikki heilt greitt, hvør knúturin hevur verið. Nakað av orðadrátti hevur verið um staðsetingina í Klaksvík, eins og um fíggjarliga leiklutin hjá Klaksvíkar Kommunu, men um tað er hetta, sum hevur ligið í buktini, ella nakað heilt annað, vita vit ikki. Møguliga tað kemur fram í útmeldingunum frá báðum landsstýrisfólkunum. Í øllum førum er tó greitt, at har ikki er kinkur í longur.

So í øllum førum fyribils kunnu tey, ið varða av Húsarhaldsskúlanum og annars ynskja honum tað besta, anda eitt sindur lættari. Sambært Ársfrágreiðingini hjá Bústøðum er ætlanin at byggja lestraríbúðir í sambandi við skúlan, tilsamans 24 í tali.

Lýsing
Seinastu tíðindini
Komið og stuðla Treysti ungdómi
Stórskermur komin upp
Veðrið í kvøld
Klaksvíkin er blá
Kaffisøla og limatilmelding í kvøld
Norðborg: Eg eri ekstremt spentur
Alexandur Petur Sólstein verur níti ár í…
Hug at dansa í vetur?
Írsk upptakt til dystin í kvøld
Val til Eldraráðið
Erla Kongsdóttir sjósett
Fotostudio flutt og vaksið
11 nýggjar pakkastøðir - nýtt samstarv m…
Bert ein ”lítil” viðmerking til Gunvu vi…
KÍ rómur á Djúpumýru
KÍ leikarar­nir farnir gongutúr
Rehabilitering í heimsflokki á Klaksvíka…
Tummas: Fara á vøllin við øllum føroying…
Tit eru fantastiskir, KÍ!
Upptakt: Dundalk FC-KÍ